ﺍﺩھوﺭﮮ ﻋﺸﻖ ﮐﯽ ﺁﯾﺖ

ﺍﺩﮬﻮﺭﮮ ﻋﺸﻖ ﮐﯽ ﺁﯾﺖ
ﮨﻮﺋﮯ ﺳﺐ ﺧﻮﺍﺏ ﺧﺎﮐﺴﺘﺮ
ﮔﻨﮩﮕﺎﺭﻭﮞ کی ﺑﺴﺘﯽ ﻣﯿﮟ
ﺍﺩھوﺭﮮ ﻋﺸﻖ ﮐﯽ ﺁﯾﺖ
ﭘﮍﮬﮯ ﮔﺎ ﮐﻮﻥ ﺗﻢ ﺳﻮﭼﻮ
ﻣﯿﮟ ﮨﺎﺭﺍ ﮨﻮﮞ ﺗﻮ ﮐﯿﺎ ﮨﺎﺭﺍ
ﻭﮦ ﺟﯿﺘﺎ ﮨﮯ ﺗﻮ ﮐﯿﺎ ﺟﯿﺘﺎ ؟
ﻟﮑﮭﺎ ﮨﺮ ﻟﻔﻆ ﻻﺯﻡ ﺗﮭﺎ
ﻟﮑﮭﻮﮞ ﮔﺎ ﻧﺎﻡ ﺳﮯ ﺗﯿﺮﮮ
ﻣﺮﮮ ﮨﺮ ﮔﯿﺖ ﻣﯿﮟ ﺗﻢ ﮨﻮ
ﻣﺮی ﮨﺮ ﺟﯿﺖ ﻣﯿﮟ ﺗﻢ ﮨﻮ
ﺟﻮ ﮨﺎﺭﺍ ﮨﻮﮞ ﯾﮩﺎﮞ ﭘﺮ ﺗﻮ
ﺍسی ﺳﻨﮕﯿﺖ ﻣﯿﮟ ﺗﻢ ﮨﻮ
ﻣﺮﺍ ﮨﺮ ﺭﻭﭖ ﺗﯿﺮﺍ ﮨﮯ
ﻣﯿﮟ ﻻﺯﻡ ﮨﻮﮞ ﺗﻮ ﻻﺯﻡ ﮨﻮﮞ
ﻣﯿﮟ ﮐﻤﺘﺮ ﮨﻮﮞ ﺗﻮ ﺗﯿﺮﺍ ﮨﻮﮞ
ﻣﯿﮟ ﺑﺪﺗﺮ ﮨﻮﮞ ﺗﻮ ﺗﯿﺮﺍ ﮨﻮﮞ
ﻭﺟﻮﺩِ ﯾﺎﺭ ﮐﮯ ﺟﯿﺴﮯ
ﺑﻠﻨﺪ ﺍﻓﮑﺎﺭ ﮐﮯ ﺟﯿﺴﮯ
ﮨﻤﺎﺭی ﻧﯿﻨﺪ ﮐﯽ ﭼﺎﺩﺭ
ﮔﻨﮩﮕﺎﺭﻭﮞ ﻧﮯ ﮐﮭﯿﻨﭽﯽ ﮨﮯ
ﭘﮍﺍ ﮨﻮﮞ ﺍﻭﺱ ﻣﯿﮟ ﺍﯾﺴﮯ
ﺟﻮ ﮔﺬﺭﮮ ﮨﻢ ﭘﮯ ﮔﺬﺭﮮ ﮨﮯ
ﮨﻤﺎﺭﮮ ﺍﺷﮏ ﺑﮩﺘﮯ ﮨﯿﮟ ﺗﻮ
ﺩﺭﯾﺎﺀ ﻣﻮﺟﺰﻥ ﮨﻮﺗﮯ
ﺭﻭﺍﮞ ﺳﺐ ﯾﮧ ﺳﺮﺷﺘﯽ ﮨﮯ
ﯾﮩﺎﮞ ﭘﺮ ﻣﯿﺮی ﺑﺴﺘﯽ ﮨﮯ
ﮔﻨﮩﮕﺎﺭﻭﮞ ﮐﮯ ﺩﻧﯿﺎ ﻣﯿﮟ
ﻋﺠﺐ ﺍﮎ ﺍﭘﻨﯽ ﻣﺴﺘﯽ ﮨﮯ
ﺗﻤﮩﺎﺭﮮ ﺭﻭﭨﮫ ﺟﺎﻧﮯ ﺳﮯ
ﻧﮧ ﭘﮭﺮ ﯾﻮﮞ ﭘﺎﺱ ﺁﻧﮯ ﺳﮯ
ﻟﮕا ﮨﮯ ﺁﺝ ﯾﻮﮞ ﻣﺠﮫ ﮐﻮ
ﺍﺗﺮتی ﺁﯾﺘﯿﮟ ﺳﺎﺭﮮ
ﮐﮩﯿﮟ ﮔﻢ ﮨﻮﮔﺌﯽ ﮨیں ﻧﺎ
ﺍﻧﮩﯿﮟ ﮨﯿﮟ ﮈھوﻧﮉﻧﺎ ﻭﺍﺟﺐ
ﺍﻧﮩﯿﮟ ﮐﯿﺴﮯ ﻣﻨﺎﻧﺎ ﮨﮯ
ﭼﻠﻮ ﺍﺱ ﭘﺎﺭ ﭼﻠﺘﮯ ﮨﯿﮟ
ﺟﮩﺎﮞ ﮐﭽﮫ ﺧﻮﺍﺏ ﺩﯾﮑﮭﮯ ﺗﮭﮯ
ﺍﺩھﻮﺭﮮ ﺧﻮﺍﺏ ﮐﮯ ﺟﯿﺴﮯ
ﮐئیﺍﺣﺒﺎﺏ ﺩﯾﮑﮭﮯ ﺗﮭﮯ
ﺍٌسی ﺩﺭﯾﺎﺀ ﮐﻨﺎﺭﮮ ﭘﺮ
ﮐﮩﯿﮟ ﺗﻮ ﯾﺎﺭ ﻣﻞ ﺟﺎﺋﮯ
ﮨﻤﯿﮟ ﮐﺮﺩﺍﺭ ﻣﻞ ﺟﺎﺋﮯ
ﯾﻮﻧﮩﯽ ﮨﻢ ﺑﮯ ﻧﯿﺎﺯﯼ ﺳﮯ
ﺑﮭﻼ ﮐﯿﻮﮞ ﺑﮭﺎﮔﺘﮯ ﭘﮭﺮﺗﮯ
ﻣﺮﮮ ﺍﺱ ﻋﮩﺪ ﮐﯽ ﭼﻠﻤﻦ
ﮐﮯ ﭘﯿﭽﮭﯽ ﮐﻮﻥ ﮨﮯ ﺩﯾﮑﮭﻮ
ﺍﺩھوﺭﮮ ﺧﻮﺍﺏ ﺧﺎﮐﺴﺘﺮ
ﺍﺩھوﺭﮮ ﻋﺸﻖ ﮐﯽ ﺁﯾﺖ

" ﺍُﺩﺍﺱ ﻋﯿﺪﯾﮟ "

ﻣﯿﮟ ﺍُﻥ ﮐﻮ ﮐﯿﺴﮯ ﮐﮩﻮﮞ ‘ ﻣﺒﺎﺭﮎ ‘ ؟
ﻭﮦ ﺟﻦ ﮐﮯ ﻧﻮﺭِ ﻧﻈﺮ ﮔﺌﮯ ﮨﯿﮟ
ﻭﮦ ﻣﺎﺋﯿﮟ ﺟﻦ ﮐﮯ ﺟﮕﺮ ﮐﮯ ﭨﮑﮍﮮ
ﮔﻠﻮﮞ ﮐﯽ ﺻﻮﺭﺕ ﺑﮑﮭﺮ ﮔﺌﮯ ﮨﯿﮟ
ﻭﮦ ﺟﻦ ﮐﯽ ﺩﮐﮫ ﺳﮯ ﺑﮭﺮﯼ ﺩﻋﺎﺋﯿﮟ
ﻓﻠﮏ ﭘﮧ ﮨﻠﭽﻞ ﻣﭽﺎ ﺭﮨﯽ ﮨﯿﮟ
ﻣﯿﺮﮮ ﮨﯽ ﺩِﯾﮟ ﮐﯽ ﺑﮩﺖ ﺳﯽ ﻧﺴﻠﯿﮟ
ﺍﺩﺍﺱ ﻋﯿﺪﯾﮟ ﻣﻨﺎ ﺭﮨﯽ ﮨﯿﮟ ...
ﻭﮦ ﺑﭽﮯ ﻋﯿﺪﯼ ﮐﮩﺎﮞ ﺳﮯ ﻟﯿﮟ ﮔﮯ؟
ﺗﺒﺎﮦ ﮔﮭﺮ ﻣﯿﮟ ﺟﻮ ﭘﻞ ﺭﮨﮯ ﮨﯿﮟ
ﻭﮦ ﺟﻦ ﮐﯽ ﻣﺎﺋﯿﮟ ﮨﯿﮟ ﻧﺬﺭِ ﺁﺗﺶ
ﻭﮦ ﺟﻦ ﮐﮯ ﺁﺑﺎﺀ ﺟﻞ ﺭﮨﮯﮨﯿﮟ
ﻭﮦ ﺟﻦ ﮐﯽ ﻧﻨﮭﯽ ﺳﯽ ﭘﯿﺎﺭﯼ ﺁﻧﮑﮭﯿﮟ
ﮨﺰﺍﺭﻭﮞ ﺁﻧﺴﻮ ﺑﮩﺎ ﺭﮨﯽ ﮨﯿﮟ
ﻣﯿﺮﮮ ﮨﯽ ﺩِﯾﮟ ﮐﯽ ﺑﮩﺖ ﺳﯽ ﻧﺴﻠﯿﮟ
ﺍﺩﺍﺱ ﻋﯿﺪﯾﮟ ﻣﻨﺎ ﺭﮨﯽ ﮨﯿﮟ
ﺑﺘﺎﺅ ﺍُﻥ ﮐﻮ ﻣﯿﮟ ﻋﻤﺪﮦ ﺗﺤﻔﮧ
ﮐﮩﺎﮞ ﺳﮯ ﮐﺮ ﮐﮯ ﺗﻼﺵ ﺑﮭﯿﺠﻮﮞ؟
ﺑﮩﻦ ﮐﻮ ﺑﮭﺎﺋﯽ ﮐﯽ ﻧﻌﺶ ﺑﮭﯿﺠﻮﮞ
ﯾﺎ ﻣﺎﮞ ﮐﻮ ﺑﯿﭩﮯ ﮐﯽ ﻻﺵ ﺑﮭﯿﺠﻮﮞ؟
ﺟﮩﺎﮞ ﭘﮧ ﻗﻮﻣﯿﮟ ﺑﮩﺖ ﺳﮯ ﺗﺤﻔﮯ
ﺑﻤﻮﮞ ﮐﯽ ﺻﻮﺭﺕ ﻣﯿﮟ ﭘﺎ ﺭﮨﯽ ﮨﯿﮟ
ﻣﯿﺮﮮ ﮨﯽ ﺩِﯾﮟ ﮐﯽ ﺑﮩﺖ ﺳﯽ ﻧﺴﻠﯿﮟ
ﺍﺩﺍﺱ ﻋﯿﺪﯾﮟ ﻣﻨﺎ ﺭﮨﯽ ﮨﯿﮟ
ﻭﮨﺎﮞ ﺳﺠﺎﻧﮯ ﮐﻮ ﮐﯿﺎ ﮨﮯ ﺑﺎﻗﯽ؟
ﺟﮩﺎﮞ ﭘﮧ ﺁﻧﺴﻮ ﺳﺠﮯ ﮨﻮﺋﮯ ﮨﯿﮟ
ﺟﮩﺎﮞ ﮐﯽ ﻣﮩﻨﺪﯼ ﮨﮯ ﺳﺮﺥ ﺧﻮﮞ ﮐﯽ
ﺟﻨﺎﺯﮮ ﮨﺮ ﺳُﻮ ﺳﺠﮯ ﮨﻮﺋﮯ ﮨﯿﮟ
ﺟﮩﺎﮞ ﭘﮧ ﺑﮩﻨﯿﮟ ﺷﮩﯿﺪِ ﺣﻖ ﭘﺮ
ﺭﺩﺍﺋﮯ ﺍﺑﯿﺾ ﺳﺠﺎ ﺭﮨﯽ ﮨﯿﮟ
ﻣﯿﺮﮮ ﮨﯽ ﺩِﯾﮟ ﮐﯽ ﺑﮩﺖ ﺳﯽ ﻧﺴﻠﯿﮟ
ﺍﺩﺍﺱ ﻋﯿﺪﯾﮟ ﻣﻨﺎ ﺭﮨﯽ ﮨﯿﮟ....!!!

#منقول

" بھیگی خواہش "

اس کے ہاں بھی بارش ہوگی
اس نے بھی کچھ چاہا ہوگا
چائے کے رکھے ہوں گے دو کپ
ساتھ میں بھولی بسری یادیں
بیتے لمحوں کی شیرینی
پھیکی چائے میں گھول کے جب وہ
چھوٹے گھونٹ بھرتی ہوگی
میرے ساتھ کو مرتی ہو گی

غزل

درد میں لذت بہت اشکوں میں رعنائی بہت
اے غم ہستی ہمیں دنیا پسند آئی بہت

ہو نہ ہو دشت و چمن میں اک تعلق ہے ضرور
باد صحرائی بھی خوشبو میں اٹھا لائی بہت

مصلحت کا جبر ایسا تھا کہ چپ رہنا پڑا
ورنہ اسلوب زمانہ پر ہنسی آئی بہت

بے سہاروں کی محبت بے نواؤں کا خلوص
آہ یہ دولت کہ انسانوں نے ٹھکرائی بہت

بے خیالی میں بھی کتنے فاصلے طے ہو گئے
بے ارادہ بھی یہ دنیا دور لے آئی بہت

اپنی فطرت میں بھی روشن ہوں گے لیکن اے ضمیرؔ
میری راتوں سے بھی تاروں نے چمک پائی بہت

آنس معین کی آخری غزل

یہ قرض تو میرا ہے چکائے گا کوئی اور
دکھ مجھ کو ہے اور نیر بہائے گا کوئی اور

کیا پھر یوں ہی دی جائے گی اجرت پہ گواہی
کیا تیری سزا اب کے بھی پائے گا کوئی اور

انجام کو پہنچوں گا میں انجام سے پہلے
خود میری کہانی بھی سنائے گا کوئی اور

تب ہوگی خبر کتنی ہے رفتار تغیر
جب شام ڈھلے لوٹ کے آئے گا کوئی اور

امید سحر بھی تو وراثت میں ہے شامل
شاید کہ دیا اب کے جلائے گا کوئی اور

کب بار تبسم مرے ہونٹوں سے اٹھے گا
یہ بوجھ بھی لگتا ہے اٹھائے گا کوئی اور

اس بار ہوں دشمن کی رسائی سے بہت دور
اس بار مگر زخم لگائے گا کوئی اور

شامل پس پردہ بھی ہیں اس کھیل میں کچھ لوگ
بولے گا کوئی ہونٹ ہلائے گا کوئی اور

نہ دیکھ۔۔

آہ جاں سوز کی محرومی تاثیر نہ دیکھ
ہو ہی جائے گی کوئی جینے کی تدبیر نہ دیکھ
حادثے اور بھی گزرے تری الفت کے سوا
ہاں دیکھ مجھے اب مری تصویر نہ دیکھ
یہ ذرا دور پہ منزل یہ اجالا یہ سکوں
خواب کو دیکھ ابھی خواب کی تعبیر نہ دیکھ
دیکھ زنداں سے پرے رنگ چمن جوش بہار
رقص کرنا ہے تو پھر پاؤں کی زنجیر نہ دیکھ
کچھ بھی ہوں پھر بھی دکھے دل کی صدا ہوں ناداں
میری باتوں کو سمجھ تلخی تقریر نہ دیکھ
وہی مجروح وہی شاعر آوارہ مزاج
کون اٹھا ہے تری بزم سے دلگیر نہ دیکھ
مجروح سلطانپوری

Life goes on...

ایسا نہیں کے تیری جگہ کوئی اور آگیا
لیکن تیرا مقام بھی تیرا نہیں رہا

ایک خواہش۔۔۔

اے کاش وہ دن آئے جب میرے قلم سے

آقاؐ کے لیئے سخن قرطاس پہ اتریں

مگر تمہیں کیا۔۔۔

مگر تمہیں کیا

میں آڑھے ترچھے خیال سوچوں
کہ بے ارادہ ...........کتاب لکھوں
کوئی......... شناسا غزل تراشوں
... کہ اجنبی انتساب .............لکھوں
گنوا دوں اک عمر کے زمانے ...!
کہ ایک........ پل کا حساب لکھوں
میری طبیعت پہ منحصر...... ہے
... میں جس طرح کا ...نصاب لکھوں
یہ میرے اپنے مزاج....... پر ہے
عذاب سوچوں .....ثواب .....لکھوں

طویل تر ہے ........سفر تمہیں کیا ؟
میں جی رہا ہوں ...مگر تمہیں کیا ؟

مگر تمہیں کیا .....کہ تم تو کب سے
میرے........... ارادے گنوا چکے ہو
جلا کے سارے حروف ..........اپنے
میری ..........دعائیں بجھا چکے ہو
میں رات اوڑھوں ....کہ صبح پہنوں
تم اپنی رسمیں اٹھا ........چکے ہو
سنا ہے.....سب کچھہ بھلا چکے ہو

تو اب میرے دل پہ ...... جبر کیسا ؟
یہ دل...... تو حد سے گزر چکا ہے
گزر چکا ہے ..........مگر تمہیں کیا ؟
خزاں کا..........موسم گزر چکا ہے
ٹھہر ........... چکا ہے مگر تمہیں کیا ؟

مگر تمہیں کیا .........کہ اس خزاں میں
میں جس طرح کے ..بھی خواب لکھوں

اے مصور میرے محبوب کی تصویر بنا

اے مصور میرے محبوب کی ،،،تصویر بنا
تجھ سے بن جائے تو بگڑی ہوئی تقدیر بنا
زلف ایسی ہو کے برسات بھی پانی مانگے
سرخ ہونٹوں سے ہر اک پھول جوانی مانگے
نرگسی آنکھوں میں کاجل کے وہی تیر بنا
اے مصور میرے محبوب کی ،،،تصویر بنا
میں تجھے حسن کے انداز سکھاؤں کیسے
اپنی آنکھیں تیرے چہرے پہ لگاؤں کیسے
تیرا در چھوڑ کر،،، جاؤں تو جاؤں کیسے
جس میں الجھا رہوں دن رات وہ زنجیر بنا
اے مصور میرے محبوب کی تصویر بنا

بات سمجھ آتی ہی تب ہے

ایف ایس سی کی بالی لڑکی
شعر کہنا سیکھ رہی تھی
درد لکھنا سیکھ رہی تھی
شعر کا مطلب کیا ہوتا ہے؟
درد کی حدت کیا ہوتی ہے؟
ماہر علم عروض کے عالم
حضرت قبلہ ناقد اعظم
سوچ رہے تھے کیا بتلاؤں؟
بحروں کے اوزان میں الجھی
فعلن کی گردان میں الجھی
ایف ایس سی کی بالی لڑکی
اپنے سر سے پوچھ رہی تھی
شعر میں جدت کیا ہوتی ہے؟
سر جی یہ بتلائیں تو
پیار کی شدت کیا ہوتی ہے؟
سولہ سال کی بالی لڑکی
سترہ بحروں کے عالم کو
بھول سے ہی الجھا بیٹھی تھی
تھوڑا سوچ کے حضرت بولے
"درد کی حدت" وزن ہے اس میں
"شعر کی جدت" با معنی ہے
"پیار کی شدت" خوب کہا ہے
دیکھو بیٹا غور سے سمجھو
درد کی دال سے ح کی حد تک
حدت ہی حدت ہے اس میں
شعر کی ش سے ج اور دت تک
اس مصرعے میں جدت ہے
پ کے یار میں حرکت ہے اور
یار کی ر پھر ساکن ہے
شین کی دال پہ شد ہے جو
اس کو ت سے شدت ہے
دیکھو بیٹا غور سے سمجھو
م کو ح کی ب کو ت کی
جب ضرورت ہوتی ہے
بات سمجھ آتی ہی تب ہے
جب محبت ہوتی ہے