مقصد زندگی۔۔۔

 زندگی کی اس بڑھ کر اور کیا تعریف ہے

خاک تھے ہم خاک ہیں اور خاک میں مل جائیں گے
جتنی سانسیں لے چکے ہیں اور جو باقی رہ گئیں
بے سبب تھیں بے سبب ہیں کیا یونہی مر جائیں گے؟
دل میں ٹھانی ہے کہ اب کی بار کچھ اچھا کریں
جو ہو چکا سو ہو چکا تو کیوں نا اب آگے بڑھیں
بندگی کا حق ادا کرنے کی کوشش ہو مگر
انسان ہیں انسان کی خاطر بھی کچھ کر جائیں گے

نئی نظم۔۔۔۔

میرے قلم سے ۔۔۔۔۔

اپنے گزرے ماہ و سال کا میں انداذہ کرنے بیٹھی
سود و زیاں کی ساری باتیں اک کاغذ پر لکھنے بیٹھی
کیا کھویا کیا پایا اب تک، جب یہ کھوج لگایا میں نے
کچھ پچھتاوا اور ندامت اور کچھ غم سنبھالے بیٹھی
کتنے پیارے ملے ہیں اب تک اور کتنوں کو کھویا ہے
جنکی یاد کو دل سے اپنے اب تک ہوں میں لگائے بیٹھی
کچھ لمحے تاریک تھے اور کچھ صبح کی مانند روشن سے
دن اور رات کی ساری رمزیں اپنے ساتھ نبھائے بیٹھی
جیون کی اس راہ گزر کا ہر اک باب ضروری تھا
جلد گزر جائے گا سب کچھ بس یہ آس لگائے بیٹھی
درد کا مرہم کرنے کو جب خوشیاں گننی چاہیں تو
قوس ِقزاح کے رنگوں سا میں ایک جہان سجائے بیٹھی
جلتے بجھتے سارے دیپ جب قرطاس پہ بکھرے تو
اپنے دل کی ساری شمعیں بھی میں آج جلائے بیٹھی
دل کی تشنہ لبی کو میں نے جب سیراب کیا یادوں سے
من کے اس آنگن میں میں پھر اپنا آپ بھلائے بیٹھی

سلامتی۔۔۔

میرے قلم سے۔۔۔۔

یہ خوف و وحشت الم کے سائے
امید کی خشگوار دھن میں
سکونِ دل کی بہار ِنو میں
یوں گھل ملیں گے
کہ ہر سو برکھا مہک اٹھے گی
ہمارے چاروں طرف پھر اک دن
وہ گل کھلیں گے۔۔
نگاہیں جنکی ہیں منتظر
اور لبوں پر دعائیں بھی ہیں
بس اپنے حصے کی کاوشوں سے
کبھی بھی صرفِ نظر نہ کرنا
کہ قطرہ قطرہ ہی موج بن کر
سلامتی کا بحر بنے گا
ان شا اللہ ۔۔۔۔

لکھا ہے۔۔۔۔

ﺍﺱ ﻧﮯ ﺩﻭﺭ ﺭﮨﻨﮯ ﮐﺎ ﻣﺸﻮﺭﮦ ﺑﮭﯽ ﻟﮑﮭﺎ ﮨﮯ
ﺳﺎﺗﮫ ﮨﯽ ﻣﺤﺒﺖ ﮐﺎ ﻭﺍﺳﻄﮧ ﺑﮭﯽ ﻟﮑﮭﺎ ﮨﮯ
ﺍﺱ ﻧﮯ ﯾﮧ ﺑﮭﯽ ﻟﮑﮭﺎ ﮨﮯ ﻣﯿﺮﮮ ﮔﮭﺮ ﻧﮩﯿﮟ ﺁﻧﺎ
ﺻﺎﻑ ﺻﺎﻑ ﻟﻔﻈﻮﮞ ﻣﯿﮟ ﺭﺍﺳﺘﮧ ﺑﮭﯽ ﻟﮑﮭﺎ ﮨﮯ
ﮐﭽﮫ ﺣﺮﻭﻑ ﻟﮑﮭﮯ ﮨﯿﮟ ﺿﺒﻂ ﮐﯽ ﻧﺼﯿﺤﺖ ﻣﯿﮟ
ﮐﭽﮫ ﺣﺮﻭﻑ ﻣﯿﮟ ﺍﺱ ﻧﮯ ﺣﻮﺻﻠﮧ ﺑﮭﯽ ﻟﮑﮭﺎ ﮨﮯ
ﺷﮑﺮﯾﮧ ﺑﮭﯽ ﻟﮑﮭﺎ ﮨﮯ ﺩﻝ ﺳﮯ ﯾﺎﺩ ﮐﺮﻧﮯ ﮐﺎ
ﺩﻝ ﺳﮯ ﺩﻝ ﮐﺎ ﮨﮯ ﮐﺘﻨﺎ ﻓﺎﺻﻠﮧ ﺑﮭﯽ ﻟﮑﮭﺎ ﮨﮯ
ﮐﯿﺎ ﺍﺳﮯ ﻟﮑﮭﯿﮟ ﻣﺤﺴﻦ ﮐﯿﺎ ﺍﺳﮯ ﮐﮩﯿﮟ ﻣﺤﺴﻦ
ﺟﺲ ﻧﮯ ﮐﺮﮐﮯ ﺑﮯﺟﺎﻥ ﭘﮭﺮ ﺟﺎﻥ۔ﺟﺎﻥ ﺑﮭﯽ ﻟﮑﮭﺎ ﮨﮯ
(ﻣﺤﺴﻦؔ ﻧﻘﻮﯼ )

دم بخود ۔۔۔

دیکھئے پہلے لہو ٹپکے کہ پھیلیں کرچیاں
دم بخود تیری نظر بھی آئنہ بھی دم بخود

اتنا سنّاٹا کہ جیسے اوّلیں شامِ فراق
دم بخود ہے آسماں بھی اور ہَوا بھی دم بخود

یاد ہے تجھ کو وہ پہلے لمس کی حدّت کہ جب
رہ گئی تھی دفعتاً تیری حیا بھی دم بخود

ایسا لگتا ہے کہ دونوں سے نہیں نسبت مجھے
دم بخود عمرِ رواں سیلِ فنا بھی دم بخود

جب کھلے میری حقیقت تم وہ منظر دیکھنا
دم بخود نا آشنا بھی آشنا بھی دم بخود

کچھ کر نہیں سکتا۔۔۔

ارادہ روز کرتا ہوں
مگر کچهہ کر نہیں سکتا
میں پیشہ ور فریبی ہوں
محبت کر نہیں سکتا
برے ہو یا کہ اچهے ہو
مجهے اس سے نہیں مطلب
مجهے مطلب ہے مطلب سے
میں تم سے لڑ نہیں سکتا
یہاں ہر دوسرا انسان
خدا خود کو سمجهتا ہے
خدا بهی وہ کہ جو اپنی ہی
جهولی بهر نہیں سکتا
میں تم سے صاف کہتا ہوں
مجهے تم سے نہیں الفت
فقط لفظی محبت ہے
میں تم پہ مر نہیں سکتا
تمہاری بات سن لی ہے
بہت دکهہ کی کہانی ہے
سنو تم بعد میں آنا
ابهی کچهہ کر نہیں سکتا

سلوک۔۔۔

ہم سے روٹھا بھی گیا ہم کو منایا بھی گیا
پھر سبھی نقش تعلق کے مٹائے بھی گئے۔۔۔

دیوانگی۔۔

اس طرح تو اور بھی دیوانگی بڑھ جائے گی
پاگلوں کو پاگلوں سے دور رہنا چاہیئے۔۔۔

ادھوری کوششیں۔۔

تمہیں دل سے بُھلانے کی،
شعوری کوششیں کر کے،
تمہیں نہ یاد کرنے کی،
ضروری کوششیں کر کے،
میں خود ہی تھک گئی ہوں اب،
اُدھوری کوششیں کر کے

ایک اور سچ

بہت سے لوگ فقط ماں باپ کی خاطر

کہانی موڑ لیتے ہیں

(محبت چھوڑ دیتے ہیں۔۔۔(منقول

غلط فہمی میں مت رہنا۔ ۔۔

محبت کا اثر ہوگا ، غلط فہمی میں مت رہنا
وہ بدلے گا چلن اپنا ، غلط فہمی میں مت رہنا
تسلی بھی اسے دینا ، یہ ممکن ہے میں لوٹ آؤں
مگر یہ بھی اسے کہنا ، غلط فہمی میں مت رہنا
تمھارا تھا ، تمھارا ہوں ، تمھارا ہی رہوں گا میں
میرے بارے میں اس درجہ غط فہمی میں مت رہنا
محبت کا بھرم ٹوٹا ہے اب چھپ چھپ کے روتے ہو
تمھیں میں نے کہا تھا نا غلط فہمی میں مت رہنا
بچالے گا تجھے صحرا کی تپتی دھوپ سے تیمور
کسی کی یاد کا سایا ، غلط فہمی میں مت رہنا ۔
تیمور حسن تیمور

ہو بھی سکتا ہے اور نہیں بھی۔۔۔

یہ سیلِ گریہ غبارِ عصیاں کو دھو بھی سکتا ہے اور نہیں بھی
کوئی کہیں چھپ کے رونا چاہے تو رو بھی سکتا ہے اور نہیں بھی

یہاں بکھرنے کا غم، سمٹنے کی لذّتیں منکشف ہیں جس پر
وہ ایک دھاگے میں سارے موتی پرو بھی سکتا ہے اور نہیں بھی

جسے ہواؤں کی سرکشی نے بچا لیا دھوپ کی نظر سے
وہ ابرِ آوارہ، دامنِ دل بھگو بھی سکتا ہے اور نہیں بھی

یہ میں ہوں، تم ہو، وہ ایلچی ہے، غلام ہیں اور وہ راستہ ہے
اب اس کہانی کا کوئی انجام ہو بھی سکتا ہے اور نہیں بھی

ترے لیے عشق جاگتا ہے، ترے لیے حسن جاگتا ہے
سو اب تُو چاہے تو اپنی مرضی سے سو بھی سکتا ہے اور نہیں بھی

یہاں ارادے کو جبر پر اختیار حاصل رہا تو اتنا
کوئی کسی کا، جو ہونا چاہے، تو ہو بھی سکتا ہے اور نہیں بھی

نئی مسافت کے رتجگوں کا خمار کیسا چڑھا ہوا ہے
یہ نشّہ تم کو ڈبو بھی سکتا ہے اور نہیں بھی

سلیم کوثر

حال ِِِدل

ہم اتنے پریشاں تھے کہ حالِِِ دلِ سوزاں
ان کو بھی سنایا کہ جو غم خوار نہیں تھے

آخری ملاقات

جب اتارا لحد میں کہا کان مٰیں
اب ہماری گلی میں نہ آنا کبھی
روز محشر ہی امجد ملیں گے تمہیں
حشر تک اب یہ لب نہ ہلانا کبھی
یہ سخن سن کے وہ چپ کا چپ رہ گیا
ایک جملہ بھی اس سے ادا نہ ہوا
اک مسافر تھا کچھ دیر ٹھہرا یہاں
اپنی منزل کو آخر روانہ ہوا
بات کل کی ہے محسوس ہوتا ہے یوں
جیسے بچھڑے ہوئے اک زمانہ ہوا

ملال۔۔۔

وہ شرارتیں وہی شوخیاں میرے عہدِ طفل کے قہقہے
کہیں کھو گئے میرے رات دن اسی بات کا تو ملال ہے ۔۔

تسلی۔ ۔۔

قربت تو بڑی چیز ہے اے جانِ تمنا
اس دل کی تسلی کو تیرا نام بہت ہے

پتھر

 احمد ندیم قاسمی

ریت سے بت نہ بنا اے مرے اچھے فن کار
ایک لمحے کو ٹھہر میں تجھے پتھر لا دوں
میں ترے سامنے انبار لگا دوں لیکن
کون سے رنگ کا پتھر ترے کام آئے گا
سرخ پتھر جسے دل کہتی ہے بے دل دنیا
یا وہ پتھرائی ہوئی آنکھ کا نیلا پتھر
جس میں صدیوں کے تحیر کے پڑے ہوں ڈورے
کیا تجھے روح کے پتھر کی ضرورت ہوگی
جس پہ حق بات بھی پتھر کی طرح گرتی ہے
اک وہ پتھر ہے جو کہلاتا ہے تہذیب سفید
اس کے مرمر میں سیہ خون جھلک جاتا ہے
ایک انصاف کا پتھر بھی تو ہوتا ہے مگر
ہاتھ میں تیشۂ زر ہو تو وہ ہاتھ آتا ہے
جتنے معیار ہیں اس دور کے سب پتھر ہیں
جتنی اقدار ہیں اس دور کی سب پتھر ہیں
سبزہ و گل بھی ہوا اور فضا بھی پتھر
میرا الہام ترا ذہن رسا بھی پتھر
اس زمانے میں تو ہر فن کا نشاں پتھر ہے
ہاتھ پتھر ہیں ترے میری زباں پتھر ہے
ریت سے بت نہ بنا اے مرے اچھے فن کار

کہا۔ ۔۔

کہا: تخلیق فن؟ بولے: بہت دُشوار تو ہو گی
کہا: مخلُوق؟ بولے: باعثِ آزار تو ہو گی

کہا: ہم کیا کریں اِس عہد ِناپُرساں میں، کچھ کہیے
وہ بولے: کوئی آخر صُورت ِاظہار تو ہو گی

کہا: ہم اپنی مرضی سے سفر بھی کر نہیں سکتے
وہ بولے: ہر قدم پر اِک نئی دیوار تو ہو گی

کہا: آنکھیں نہیں! اِس غم میں بینائی بھی جاتی ہے
وہ بولے: ہجر کی شب ہے ، ذرا دُشوار تو ہو گی

کہا: جلتا ہے دل، بولے: اِسے جلنے دیا جائے
اندھیرے میں کِسی کو روشنی درکار تو ہو گی

کہا: یہ کوچہ گردی اور کتنی دیر تک آخر؟
وہ بولے: عشق میں مٹی تمہاری خوار تو ہو گی

~اعتبار ساجد

بلا عنوان

ہم تو لکھتے ہیں تم پڑھو شاید
داد پانے کو کون لکھتا ہے 

خاک عشق

عشق اگر خاک نہ کر دے
  تو خاک
 عشق ہوا۔ ۔۔۔۔