قطعہ

بڑے اسرار پوشیدہ ہیں اِس تنہا پسندی میں

یہ مت سمجھو کے دیوانے جہاندیدہ نہیں ہوتے

تعجُب کُچھ نہیں مجھ کو کہ دنیا مجھ سے ناخوش ہے

!!!بہت سے لوگ دنیا میں پسندیدہ نہیں ہوتے۔۔۔۔

A silent msg on 1st Mayمیری کہانی۔۔۔۔

یہ نوحہ پڑھتی تمام صُبحیں

سُلگتی شامیں

میری کہانی سُنا رہی ہیں

حیات کا اب جواز کیا ہے؟

کہ سر سے آکاش اُڑ گیا ہے

قدم زمیں پر لرز رہے ہیں

تو کیوں نہ لُکنت زباں میں آئے؟؟

اسیر سوچیں علیل ذہنوں میں سڑ رہی ہیں

یہ خالی برتن کھنک رہے ہیں

فصیل پر بھی لہو کے دھبے پڑے ہوئے ہیں

ہوا سے کہنا۔۔۔

غلام گردش کے تن بدن سے گُریز کرتی

ہوا سے کہنا۔۔۔۔

کہ نوحہ پڑھتی تمام صُبحیں

سُلگتی شامیں

میری کہانی سُنا رہی ہیں۔۔۔۔

ہمارے حصے میں۔۔۔

درختِ جاں پر عذاب رُت تھی

نہ برگ مہکے نہ پھول آئے

وفا کی وادی سے جِتنے پنچھی

اِدھر کو آئے ،ملول آئے

وہ ساری خوشیاں جو اُس نے چاہیں

اُٹھا کے دامن میں اپنے رکھ لیں

ہمارے حصے میں

عُذر آئے۔۔۔

جواز آئے۔۔۔

اُصول آئے۔۔۔۔؟؟؟

گئے دنوں کی بات ہے۔۔۔

گئے دِنوں کی بات ھے۔۔۔۔

شباب پر بہار تھی

فضا بھی خوشگوار تھی

نہ جانے کیوں مچل پڑا

میں اپنے گھر سے چل پڑا

کسی نے مُجھ کو روک کر

بڑی ادا سے ٹوک کر

کہا تھا ٹھر جائیے

میری قسم نہ جائیے

وہی حسین شام ہے

شباب جس کا نام ہے

نکل پڑا ہوں گھر سے میں

کوئی نہیں جو روک کر

اُسی ادا سے ٹوک کر

کہے کہ ٹھر جائیے

میری قسم نہ جائیے۔۔۔۔

دو شعر

بہت ہی دلرُبا سا مشغلہ ہے

مُحبت 'امتحاں' بننے سے پہلے

بہت ہی عام سا اک شخص تھا وہ

ہمارا رازداں بننے سے پہلے

محبت کی حقیقت

الفاظ کےجھوٹے بندھن میں

راز کے گہرے پردوں میں

ھر شخص مُحبت کرتا ہے

حالانکہ مُحبت کُچھ بھی نہیں

سب جُھوٹے رشتے ناتے ہیں

سب دل رکھنے کی باتیں ہیں

سب اصلی روپ چُھپاتے ہیں

احساس سے خالی لوگ یہاں

لفظوں کے تیر چلاتے ہیں

اِک بار نظر میں آ کر وہ

پھر ساری عمر رُلاتے ہیں

یہ عشق مُحبت مہر و وفا

یہ سب کہنے کی باتیں ہیں

ہر شخص خودی کی مستی میں

بس اپنی خاطر جیتا ہے۔۔۔۔۔

when the last teardrops falls (song with lyrics)

present condition....

Hay shauq o zabt-e-shauq main din raat kashmakash

Dil mujh ko main hon dil ko preshaan kiye howy.....!!!

Chalo Abb Aisa Kartay Hain...

Chalo ab aisa kartay hain, sitaray bant letay hain

Zaroorat k mutaabiq hum sahaaray baant letay hain

Mohabat karnay walon ki tijaarat bhi anookhi hay

Munaafa choor detay hain khasaaray baant letay hain

Agar milna nahi mumkin to lehron per qadam rakh kar

Abhi darya-e-ulfat ky kinaray baant letay hain

Meri jhooli main jitnay bhi wafa k phool hain unko

Ikathay beth kar saaray k saaray baant letay hain

Mohabat k ilawa paas apnay kuch nahi abb to

Isi dolat ko hum qismat k maaray baant letay hain...!!!

ذرا پہلے بتا دینا۔۔۔

بھروسہ ٹوٹ جانے سے ذرا پہلے بتا دینا

مُجھے تم آزمانے سے ذرا پہلے بتا دینا

کسی حیلے بہانے سے ذرا پہلے بتا دینا

کہ مُجھ کو تم بُھلانے سے ذرا پہلے بتا دینا

زمیں کی ریت پہ تم نے مُحبت سے جو لکھی تھیں

وہ تحریریں مِٹانے سے ذرا پہلے بتا دینا

میرے دلبر کہ اِس دل پر میں رکھ لوں ضبط کا پتھر

سنو دامن چُھڑانے سے ذرا پہلے بتا دینا

کسی بھی موڑ پر مُحسن بُرا پاؤ اگر مُجھ کو

زمانے کو بتانے سے ذرا پہلے بتا دینا