Chalo ab mil k...

Chalo ab Mil k Hijr-o-Habs ka mosam badaltay hain
Zara sa Tum badal jao zara sa Hum badaltay hain...
Bas itna yaad rakh lena k wese kam badaltay hain
Magar jab Hum badaltay hain to phir Peham badaltay hain
Agar tum ye samajhtay ho tumhara Ghum ziada hay
To ab ki baar apas main hum apne gham badaltay hain..!!

Kash...

Kash Aazad qabeely k sukhan war hote
Hum muhazon pe na bikte to sikander hote
Khud farebi k kharabon Main rahe hum Warna
Apni auqat Mai rehte to qalander hote
Mauj-e-kosar ki qasam hum thay muhabbat k walli
Khaak k dar pe na jhukte to samander hote
Aankh ne khuwaab k laalach Mai khayanat kar li
Warna hum jaagti raaton k payamber hote
Gar karri dhoop main do pal ki amaan mil jati !
Apni nazmon Mai kaee sard DECEMBER hote..

Fav lines these days....

Kabhi ye haal k dono main yakdilli thi bohat
Kbhi ye marhala jese key aashnaai na thi
Key dhoop chaaon ka aalam raha judai na thi

Tajurba...!!

Tajurba insaan ko galat faisle se bachata hay Magar tajurba galat faisle se hi hasil Hota hay
(Ashfaq Ahmed)

December

Teri yaad ki barf bari ka mosam
Sulagta raha dil k ander akele
Irada tha jee loon ga tujse Bichar kar
Guzarta nahi ik december akele

Aik sher

Kis qadar ehtamam karte ho
Dil dukhana sawaab ho jese..!!

???

Har jurm meri zaat se mansoob hoa hay.... Kia mere siwa shehr main masoom hain sare

aik sher...

Mere naseeb-e-shauq main likha tha ye muqaam
Har soo tere khyaal ki dunya hay, tu nahi....!!!

Lamha-e- Fikar

Sharafat sozz tasweeron ki uryaani nahi jati...

adab ki aar main targheeb e roomaani nahi jaati

Khuda maaloom nasl e nau ka kia anjaam hota hay..

watan say fahash naghmon ki faraawaani nahi jaati

azaab aaye to us main sainkron ki jaan jaati hay..

nahi jaati to shetaanon ki shetaani nahi jaati

kahin basti ki basti do boond paani ko tarasti hay...

kahin barish barasti hay to tughyaani nahi jaati

jahan k zarray zarray say numanyaan hay jalaal us kaa

magar humse KHUDA ki zaat pehchaani nahi jaati...!
zamana is qadar qail hoa hay Faiz jhooton ka...
jo sach kehtay hain unki aik bhi maani nahi jaati...!!!

.....

Jab shaam ky saa'ey dhaltay hon

kuch panchi qataar main urte hon

kuch rasta kathin ho wese bhi

kuch door ufaq pe manzil ho

ik panchi gaaeb ho jaey

or bedam ho kar gir jaey

to rishtay natay pyaray sabhi

kab is ki khatir ruktay hain

is dunya ki hay reet yehi

jo saath chalo to saath bohat

gar ruk jao to tanha ho...