ڈھونڈنا

کبھی اِس نگر تجھے دیکھنا،کبھی اُس نگر تجھے ڈھونڈنا
کبھی رات بھر تجھے سوچنا، کبھی رات بھر تجھے ڈھونڈنا

مجھے جا بجا تری جسُتجُو، تجھے ڈھونڈتا ہوں میں کوُبکو
کہاں کھل سکا ترے رو بُرو ،مرا اِس قدر تجھے ڈھونڈنا

مرا خواب تھا کہ خیال تھا، وہ عروج تھا کہ زوال تھا
کبھی عرش پر تجھے دیکھنا ،کبھی فرش پر تجھے ڈھونڈنا

یہاں ہر کسی سے ہی بیر ہے ،ترا شہر قریہء غیر ہے
یہاں سہل بھی تو نہں کوئی ،مرے بے خبر تجھے ڈھونڈنا

تری یاد آئی تو رو دیا ، جو توُ مل گیا تجھے کھو دیا
میرے سلسلے بھی عجیب ہیں ، تجھے چھوڑ کر تجھے ڈھونڈنا

یہ مری غزل کا کمال ہے کہ تری نظر کا جمال ہے
تجھے شعر شعر میں سوچنا، سر بام ودر تجھے ڈھونڈنا

- تابش کمال

٭٭٭٭٭٭٭٭٭٭٭٭٭٭٭٭٭

خاموشی

آو چپ کی زبان میں ناصر 
اتنی باتیں کریں کہ تھک جائیں 

ایک اور انتخاب

یہی ھے نا ! تمہاری بے دھیانی سے گریزاں ھیں
کہ اب تو ھم بھی اپنی رایٔیگانی سے گریزاں ھیں

تجھے بس ایک پل کو دیکھنا تھا بات کرنا تھی
مگر اب تیرے لہجے کی گرانی سے گریزاں ھیں

تمہارے نام پر جلتا دیا بجھنے نہیں د یتے
مگر دِل پر تمہا ری حکمرانی سے گریزاں ھیں

فریبِ گفتگو نے دیر تک محصور رکھا ھے
مگر اب ھم فضاۓ خوش گمانی سے گریزاں ھیں

عذابِ تشنگی نے جسم و جاں کو ریت کر ڈالا
لبِ دریا کھڑے ھیں اور پانی سے گریزاں ھیں

تجھے تسخیر کرنا تھا کسی دلدار ساعت میں
مگریوں ھے کہ اب سا ری کہا نی سے گریزاں ھیں

کبھی شاخِ بدن پر روشنی کی آیٔتیں اتریں
کبھی یہ رتجگے اس مہربانی سے گریزاں ھیں

نوشی گیلانی

Baitho...by ( Insha )

Faqeer bann k tum un k dar pay, hazar dhouni rama k baitho
Jabee'n k likhay ka kya kro ge, jabee'n ka likha mita k dekho
Ae un ki mehfil main aanay walo, ae sood o sauda batanay walo
Jo unki mehfil main aa k baitho, to saari duniya bhula k baitho
Bht jatatay ho chah ham se, magar kro ge nibah ham se?
Zara milao nigah ham se, hamaray pehlu main aa k baitho
Junoo'n purana hai aashiqou'n ka, jo ik bahana hai aashiqou'n ka
So ik thikana hai aashiqou'n ka, huzoor jngal main ja k baitho
Hamen dikhao ye zard chehra, liye we wehshatt ki gard chehra
Rahay ga tsveer e dard chehra, jo roug aisay laga k baitho
Janab e insha, ye aashiqi hai, janab e insha, ye zindagi hai
Janab e insha, jo hai, yehi hai, na iss se daman chura k bhaitho