Ay chara gar-e-shouq...
koi aisi dawa day...!!!
jo dil say har ik gair ki chahat ko bhula day
bas dekh liya dunya k rishton ka tamasha...
makhlooq say umeed k sab deep bujha day
paakeeza tamanaein b laati hain udaasi...
har zouq-e-talab shouq-e-tamana hi mita day
ik main hun faqat TU ho aur aalam-e-hu ho...
AY husan-e-azal saray hijabaat utha day
hay roh ko har lamha tere wasal ki umeed...
aa zeest ki shab ko kabhi subha hi bana day.....!!!
2 comments:
Ma khud ko bhi khud apne se phir dhoond na pao ..
Yun Aatish-e soza se meri raakh jala de .. !!
wonderfull...thanx for completing....:)
Post a Comment