غزل....

یہ کیا کہ اک جہاں کو کرو محوِ اضطراب
یہ کیا کہ ایک دل کو شکیباں نہ کر سکو
ممکن ہے میرے بغیر بھی بِتا لو زندگی
ممکن ہے اپنے ساتھ بھی گزارا نہ کر سکو
ایسا نہ ہو یہ درد بنے دردِ لازوال
ایسا نہ ہو کہ تم بھی مداوا نہ کر سکو
شاید تمہیں بھی چین نہ آئے میرے بغیر
شاید یہ بات تم بھی گوارا نہ کر سکو
کیا جانے پھر ستم بھی میسر ہو نہ ہو
کیا جانے یہ کرم بھی کرو یا نہ کر سکو
اللہ کرے جہاں کو میری یاد بھول جائے
اللہ کرے کہ تم کبھی ایسا نہ کر سکو
میرے سوا کسی کی نہ ہو تم کوجستجو
.....میرے سوا کسی کی تمنا نہ کر سکو