Arr gai zid pe meri aankh
saja phir ik khwaab
kese jhailon ga jo pamaal hoa
phir ik khwaab
umer bhar dhotay rahay khwaab k pindaar ka bojh
is qadar sakhat mushaqat ki jaza
phir ik khwaab
mene maangi thin duaain koi hamzaad milay
misl-e-bargad mere aangan main khila
phir ik khwaab
waqat jab baantnay nikla tha muqadar ki nayaaz,
meri khwaabida hatheli ko mila
phir ik khwaab
lar paray mujse dar-o-baam bhi ghar k zahid
jab main ankhon main liye ghar ko gaya
phie ik khwaab....!!!
1 comment:
Describes my life these days, to the tee!
Post a Comment