یہ دسمبر ہے۔ ۔۔

یہ دسمبر ہے

سنو ! میں جانتی ہوں یہ دسمبر ہے
وہاں سردی بہت ہوگی
اکیلے شام کو جب تم تھکے قدموں سے لوٹو گے
تو گھر میں کوئ بھی لڑکی
سلگتی مسکراہٹ سے
تمھاری اس تھکاوٹ کو
تمھارے کوٹ پر ٹھہری ہوئ بارش کی بوندوں کو
سمیٹے گی ،نہ جھاڑے گی
نہ تم سے کوٹ لے کر وہ کسی کرسی کے ہتھے پر
اسے لٹکا کے اپنے نرم ہاتھوں سے
چھوئے گی اس طرح جیسے تمھارا لمس پاتی ہو
تم آتشدان کے آگے سمٹ کر بیٹھ جاو گے
تو ایسا بھی نہیں ہوگا
تمھارے پاس وہ آکر
بہت ہی گرم کافی کا ذرا سا گھونٹ خود لے کر
وہ کافی تم کو دے کر، تم سے یہ پوچھے
"کہو کیا تھک گئے ہو تم ؟"
تم اپنی خالی آنکھوں سے
یوں اپنے سرد کمرے کو جو دیکھو گے تو سوچو گے
ٹھٹھر کر رہ گیا سب کچھ
تمھاری انگلیوں کی سرد پوروں پر
کسی رخسار کی نرمی
کسی کے ہونٹ کی گرمی
تمھیں بے ساختہ محسوس تو ہوگی
مگر پھر سرد موسم کی ہوا کا ایک ہی جھونکا
تمھیں بے حال کردے گا
تھکے ہارے ٹھٹھرتے سرد بستر پر
اکیلے لیٹ جاو گے

سیماغزل

ایسے تو پھر ایسے ہی سہی۔۔۔

ﺍﯾﮏ ﺳﻨﺘﺎ ﮬﻮﮞ ﺍﻭﺭ چار سنا ﺳﮑﺘﺎ ﮬﻮﮞ
ﭘﯿﺎﺭ ﮐﺮﺗﺎ ﮬﻮﮞ ﻣﮕﺮ خوب انا ﺭﮐﮭﺘﺎ ﮬﻮں
‏،
ﯾﮧ ﺟﻮ ﺗﻢ ﺣﺴﻦ ﮐﯽ تلوار لیے ﭘﮭﺮﺗﯽ ﮬﻮ
ﺳﺮﺩ ﻣﮩﺮﯼ ﺳﮯ ﺍﺳﮯ زنگ لگا ﺳﮑﺘﺎ ﮬﻮﮞ
‏،
ﺷﻌﺮ ﻟﮑﮫ ﺳﮑﺘﺎ ﮬﻮﮞ اک اور ﺣﺴﯿﻨﮧ ﭘﮧ ﺑﮩﺖ
ﺗﺠﮫ ﭘﮧ ﻟﮑﮭﯽ ﺗﮭﯽ ﮐﺒﮭﯽ غزل ﺟﻼ ﺳﮑﺘﺎ ھوں
‏،
ﻣﯿﮟ ﺑﺪﻝ ﺳﮑﺘﺎ ﮬﻮﮞ ﮐﺮﺩﺍﺭ ﮐﮩﺎﻧﯽ ﮐﮯ ﺳﺒﮭﯽ
ﺗﺠﮫ ﮐﻮ ﺭﺍﻧﯽ ﺳﮯ ﺍﺑﮭﯽ باندی بنا ﺳﮑﺘﺎ ﮬﻮں
‏،
ﻣﯿﮟ ﮐﻮﺋﯽ ﺭﺍﻧﺠﮭﺎ ﻧﮩﯿﮟ روتا ﭘﮭﺮﻭﮞ ﺟﻨﮕﻠﻮﮞ ﻣﯿﮟ
ﺗﯿﺮﮮ ﺟﺎﺗﮯ ﮬﯽ ﻧﺌﯽ ھیر ﭘﭩﺎ ﺳﮑﺘﺎ ﮬﻮﮞ
‏،
ﺗﻮ ﺑﺪﻝ ﺳﮑﺘﯽ ﮬﮯ ﺗﻮ میں بھی ﺑﺪﻝ ﺳﮑﺘﺎ ﮬﻮﮞ
ﻣﯿﮟ ﺗﺠﮭﮯ ! ﻣﯿﺮﯼ ﺟﺎﮞ منٹوں ﻣﯿﮟ ﺑﮭﻼ ﺳﮑﺘﺎ ﮬﻮﮞ

اک شخص۔ ۔۔

اُترا نہیں ہے دل سے کوشش کے  باوجود 
اک شخص میری ذات پہ بھاری ہے اس قدر

سردیوں کی بارش

سوگوار لمحوں کے 
 راگ جیسی ہوتی ہے
سردیوں کی _____ بارش تو
آگ جیسی ______ ہوتی ہے

سیکھ جاو گے

تم محبت بهی سیکھ جاؤ گے
کل سے بہتر ہے آج کی چائے

بتاؤ

اگر مَیں آدھا اَدھورا ہی لوٹ آؤں تو
نگاہِ ناز ! وہی اہتمام ھو گا نا ......؟؟
بس ایک بار محبت سے دیکھنا ھے اِدھر
بتاؤ ! تم سے یہ چھوٹا سا کام ھو گا نا ؟

تیری یادیں

آنگن میں گھنے پیڑ کے نیچے تیری یادیں
!!میلہ سا لگا دیتی ہیں ، اچھا نہیں کرتیں

ہر موسم کا سپنا

رُل گئے آں ......

آوارگی۔ ۔۔۔ (محسن نقوی)

یہ دل یہ پاگل دل مرا کیوں بجھ گیا آوارگی!
اِس دشت میں اِک شہر تھا، وہ کیا ہُوا آوارگی!

کل شب مجھے بے شکل کی آواز نے چونکا دیا
میں نے کہا تُو کون ہے، اُس نے کہا ’’آوارگی‘‘

لوگو بھلا اُس شہر میں کیسے جیئیں گے ہم، جہاں
ہو جرم تنہا سوچنا لیکن سزا، آوارگی!

یہ درد کی تنہائیاں، یہ دشت کا ویراں سفر
ہم لوگ تو اُکتا گئے، اپنی سُنا آوارگی!

اک اجنبی جھونکے نے جب پوچھا مرے غم کا سبب
صحرا کی بھیگی ریت پر میں نے لکھا، ’’آوارگی‘‘

اُس سمت وحشی خواہشوں کی زد میں پیمانِ وفا
اِس سَمت لہروں کی دھمک، کچّا گھڑا، آوارگی

کل رات تنہا چاند کو دیکھا تھا میں نے خواب میں
محسن مجھے راس آئے گی شاید سدا ’’آوارگی‘‘

ابھی ہم خوبصورت ہیں۔ ۔۔

کلام : احمد فراز

ابھی ہم خوبصورت ہیں
ہمارے جسم اوراقِ خزانی ہو گئے ہیں
اور ردائیں زخم سے آراستہ ہیں
پھر بھی دیکھو تو
ہماری خوشنمائی پر کوئی حرف
اور کشیدہ قامتی میں خم نہیں آیا
ہمارے ہونٹ زہریلی رُتوں سے کاسنی ہیں
اور چہرے رتجگوں کی شعلگی سے
آبنوسی ہو چکے ہیں
اور زخمی خواب
نادیدہ جزیروں کی زمیں پر
اس طرح بکھرے پڑے ہیں
جس طرح طوفاں زدہ کشتی کے ٹکڑوں کو
سمندر ساحلوں پر پھینک دیتا ہے
لہو کی بارشیں
یا خودکشی کی خواہشیں تھیں
اس اذیت کے سفر میں
کون سا موسم نہیں آیا
مگر آنکھوں میں نم
لہجے میں سم
ہونٹوں پہ کوئی نغمۂ ماتم نہیں آیا
ابھی تک دل ہمارے
خندۂ طفلاں کی صورت بے کدورت ہیں
ابھی ہم خوبصورت ہیں
زمانے ہو گئے
ہم کوئے جاناں چھوڑ آئے تھے
مگر اب بھی
بہت سے آشنا نا آشنا ہمدم
اور ان کی یاد کے مانوس قاصد
اور ان کی چاہتوں کے ہجر نامے
دور دیسوں سے ہماری اور آتے ہیں
گلابی موسموں کی دُھوپ
جب نو رُستہ سبزے پر قدم رکھتی ہوئی
معمورۂ تن میں در آتی ہے
تو برفانی بدن میں
جوئے خوں آہستگی سے گنگناتی ہے
اُداسی کا پرندہ
چپ کے جنگل میں
سرِ شاخِ نہالِ غم چہکتا ہے
کوئی بھولا ہوا بِسرا ہوا دکھ
آبلہ بن کر تپکتا ہے
تو یوں لگتا ہے
جیسے حرف اپنے
زندہ آوازوں کی صورت ہیں
ابھی ہم خوبصورت ہیں
ہماری خوشنمائی رفِ حق کی رونمائی ہے
اسی خاطر تو ہم آشفتہ جاں
عشّاق کی یادوں میں رہتے ہیں
کہ جہ اُن پر گزرتی ہے وہ کہتے ہیں
ہماری حرف سازی
اب بھی محبوبِ جاں ہے
شاعری شوریدگانِ عشق کے وردِ زباں ہے
اور گلابوں کی طرح شاداب چہرے
لعل و مرجاں کی طرح لب
صندلیں ہاتھوں سے
چاہت اور عقیدت کی بیاضوں پر
ہمارے نام لکھتے ہیں
سبھی درد نا آشنا
ایثار مشرب
ہم نفس اہلِ قفس
جب مقتلوں کی سمت جاتے ہیں
ہمارے بیت گاتے ہیں
ابھی تک ناز کرتے ہیں
سب اہلِ قافلہ
اپنے حدی خوانوں پر آشفتہ کلاموں پر
ابھی ہم دستخط کرتے ہیں اپنے قتل ناموں پر
ابھی ہم آسمانوں کی امانت
اور زمینوں کی ضرورت ہیں
ابھی ہم خوبصورت ہیں

تھک جاتا ہوں...

اشک آنکھوں میں چھپاتے تھک جاتا ہوں
بوجھ پانی کا اٹھاتے تھک جاتا ہوں

برف ایسی کہ پگھلتی نہیں پانی بن کر
پیاس ایسی کہ بجھاتے ہوۓ تھک جاتا ہوں

اچھی لگتی نہیں اس درجۂ شناسائی
ہاتھ ہاتھوں سے ملاتے تھک جاتا ہوں

غمگساری بھی عجب کار محبت ہے کہ میں
رونے والوں کو ہنساتے تھک  جاتا ہوں

اتنی قبریں نہ بناؤ میرے اندر. محسن
میں چراغوں کو جلاتے ہوۓ تھک جاتا ہوں

محسن نقوی

گُمشدہ

میں اک پل
ایک لمحہ چاہتی ہوں
بہت عرصہ ہُوا ہے
خُود سے بچھڑے

میں خُود کو ڈھونڈ کے
بُوچھوں گی خُود سے
بھلا میں کس سے اپنا آپ مانگُوں?

مشینوں نے مشینی کردیا ہے
نہ دن کو چین نہ راتوں کو نیندیں
سکائپ کی کُھلی کھڑکی
ہزاروں میل پہ بیٹھے ہوئے لوگوں کو
میرے گھر کی ڈائینگ میز پہ لا کر بٹھاتی ہے
مگر جو لوگ میرے ساتھ رہتے ہیں
میں اُن سے بات کرنے کو ترستی ہوں

ٹُوئٹر
فیس بُک
وٹس ایپ نے اتنا ستایا ہے
کہ خُود اپنے لیئے فُرصت نہیں ملتی
مُصیبت یہ کہ ہر جادُو
میرے سیل فُون میں بند ہے
بمُشکل آنکھ لگتی ہے
تو میرے فُون پہ جل بُجھ رہی چھوٹی سی اک بتی
مجھے آواز دیتی ہے
مجھے بے چین کرتی ہے

 ‘‘ نہ جانے کون ہے اس وقت؟
   جانے کیا ہُوا ہو گا؟
   کسے کیا بات کرنی ہے؟ ‘‘

اور ان لمحوں میں گہری نیند
آنکھوں سے نکل
گھڑیال کی سُویئؤں پہ خود کو ٹانگ دیتی ہے

نہ دن کو چین نہ راتوں کو نیندیں
میں اک پل ایک لمحہ چاہتی ہوں
بہت عرصہ ہُوا ہے خُود سے بچھڑے

 ثمینہ تبسم

ہوتا ہے اس طرح بهی جہاں میں کبهی کبهی

بیمار  ہو  کے  میں  جو  گیا  ڈاکٹر  کے  پاس
کیوں کر  بتاؤں  کیسے  مرے  اڑ  گئے حواس

حیران ہوا میں سن کے  نرسوں کی ٹیم سے
ڈاکٹر خود  دوائی  لینے گئے ہیں اک حکیم  سے

جا کے   جب   حکیم  کو  ڈهونڈا تو ہوا یہ عیاں
آئے  تهے  اس  جگہ جو  ابهی  وه  ڈاکٹر  فلاں

ان  کو   بعد  مشاورت   کے    یہ  حاذق  زماں
لیکر  گئے  ہوئے  ہیں کسی  ہومیوپیتھی  کے ہاں

ناچار ہومیو  کی  طرف  میرے  اٹھ  گئے  قدم
پہنچا وہاں  جو  پاٹ کے  گلیوں  کے  پیچ و خم

بولا  یہ   بالکا   کہ   مجهے   آپ   کی   قسم
تینوں   گئے  ہیں  پیر  کے  در پر  کرانے  دم

ہنستے ہوئے جو پہنچا میں پهر پیر جی کے گهر
تینوں کهڑے  ہوئے  گلی  میں  پکڑ  کے  سر

سن   کر   مرید   خاص   بڑے  ڈاکٹر  کا  نام
بولا  پکڑ  کے  گهٹنوں   کو   از  راہِ   احترام

تها  پیر جی  کو  رات سے  سر درد  مع زکام
سو  چهوڑ  کر  ادهورا  یہاں  اپنا   فیض   عام

وه  آپ  کے  مطب پہ  گئے  ہیں  ابهی  ابهی
ہوتا ہے اس طرح بهی جہاں میں کبهی کبهی

اینویں نہ تو کریا کر۔ ۔۔

چھوٹیاں چھوٹیاں گلّاں اُتّے
اَینویں نہ تُوں لَڑیا کر

ایڈیاں سوھنیاں اَکھاں دے وِچ
ھنجو نہ تُوں بھریا کر

جیہڑے کَم نئیں تیرے چَناں
تُوں اوہ کَم نہ کریا کر

"طارق عزیذ "

وھم...

‏دلوں سے کب نکلتے ھیں وقت جن کے ساتھ گزرا ھو

بھول جانا بھلا دینا فقط اک وھم ھوتا ھے

اُسی کی۔ ۔۔

یہ آنکھ بھی ، یہ خواب بھی ، یہ رات اسی کی
ہر بات پہ یاد آتی ہے ہر بات اسی کی

جگنو سے چمکتے ہیں اسی یاد کے دم سے
آنکھوں میں لیے پھرتے ہیں سوغات اسی کی

ہر شعلے کے پیچھے ہے اسی آگ کی صورت
ہر بات کے پردے میں حکایات اسی کی

لفظوں میں سجاتے ہیں اسی حسن کی خوشبو
آنکھوں میں چھپاتے ہیں شکایات اسی کی

کیا کیجیئے اچھی ہمیں لگتی ہے ہمیشہ
دیوانگئ دل میں ہر بات اسی کی

جس شخص نے منظر کو نئے پھول دیئے تھے
ہیں دور خزاں پر بھی عنایات اسی کی

آتا ہے نظر مجمع احباب میں عادل
لاکھوں میں اکیلی ہے مگر ذات اسی کی

اُدھیڑ دے۔ ۔۔

میں نے یہ کب کہا تھا کہ سارا ادھیڑ دے
جتنی بُنت خراب ہے، اتنا ادھیڑ دے

ان کا نصیب بس وہی صحرا کی خاک ہے
جن کو فراقِ یار کا لمحہ ادھیڑ دے

ممکن ہے اب کی بار میں آدھا دکھائی دوں
ممکن ہے تیرا ہجر یہ چہرہ ادھیڑ دے

ممکن ہے میری آنکھ پہ منظر نہ کھل سکیں
ممکن ہے کوئی خواب کا بخیہ ادھیڑ دے

ممکن ہے تیرے پاس نہ ملنے کا عذر ہو
ممکن ہے کوئی شہر کا رستہ ادھیڑ دے

انورؔ کہا تھا عشق نے چمڑی ادھیڑ دوں
میں نے بھی کہہ دیا ہے کہ، اچھا ادھیڑ دے

انور مسعود

قسمے۔ ۔۔

لوکاں کولوں سہہ نئیں ہوندا
ساڈے توں وی رہ نئیں ہوندا
تینوں ویکھ کے جو ہوندا اے
رب دی قسمے کہہ نئیں ہوندا

Similarities :)

ﺍﯾﮏ ﺟﯿﺴﯽ ﺑﺎﺗﻮﮞ ﭘﺮ
ﺳﺐ ﮐﮯ ﺩﻝ ﺩﮬﮍﮐﺘﮯ ہیں
ﺳﺐ ﺍُﺩﺍﺱ ﻟﻮﮔﻮﮞ ﮐﯽ
ﺍﯾﮏ ﺳﯽ ﮐﮩﺎﻧﯽ ہے
ﺍﺷﮏ ﺁﻧﮑﮫ ﻣﯿﮟ ﺭﮐﮫ ﮐﺮ
ﮐﮭﻞ ﮐﮯ ﻣﺴﮑﺮﺍﻧﮯ ﮐﯽ
ﺍﯾﮏ ﺟﯿﺴﯽ ﺗﺸﺮﯾﺤﯿﮟ
ﺍﯾﮏ ﺳﯽ ﻭﺿﺎﺣﺖ ہے
ﺍﯾﮏ ﺟﯿﺴﮯ ﺷﻌﻠﻮﮞ ﻣﯿﮟ
ﺳﺐ ﮐﮯ ﺧﻮﺍﺏ ﺟﻠﺘﮯ ہیں
ﺳﺐ ﺍُﺩﺍﺱ ﻟﻮﮔﻮﮞ ﮐﮯ
ﺑﮯﻣﺮﺍﺩ ہاتھوں ﭘﺮ
ﺍﯾﮏ ﺳﯽ ﻟﮑﯿﺮﯾﮟ ہیں .......!!!!

تمہاری یاد کا موسم

کہیں جب یاد کے موسم کی آمد پر
کوئی غنچہ کِھلا دل میں
کہیں جب درد کی خوشبو سے
مہکے سب درودیوار تو دل نے
غموں کے ساز پر
 اک ان سنا سا گیت یوں گایا
کہ سارے خواب آنسو بن کر ان آنکھوں سے بہ نکلے
تو یاد آیا
کہ ہم کو ایک مدت ہو گئی ہے دل کے آنگن میں
پرانے خواب لیکر
یاد کا موسم نہیں اترا
بہت عرصے سے شبنم آنسوؤں کی
پھول سے چہرے نہیں دھوتی
بہت عرصے سے ہاتف کچھ نہیں کہتے
بس خاموش رہتے ہیں
کہاں سے ڈھونڈ لاؤں اب حسیں یادوں کے موسم کو
کہ میرے واسطے تو زیست کا پیغام یادیں تھیں
کئ بیتے ہوئے، گزرے ہوئے
پُر نور قصے یاد کرنے کے بہانے
وہ حسین یادیں
خدا کی سمت سے مجھ پر
تو اک انعام یادیں تھیں
جو غرقِ آب سیپی کی طرح سے اپنے سینے میں
بہت سے موتیوں سے راز رکھتی تھیں
وہ یادیں
جو مغنی کی صدا سے قیمتی اور دلنشین آواز رکھتی تھیں
نجانے کیا عذاب آیا
مگر اب کے
مجھ سے یاد کے موسم بچھڑ بیٹھے
مجھے تو ایک مدت ہو گئی ہے دل کے آنگن میں
پرانے خواب لیکر یاد کا موسم نہیں اترا
سیاہ راتوں میں نظریں اب فلک پر
بدلیوں میں چاند کے چھپنے کے منظر کو نہیں تکتیں
سمندر کی تہوں میں ڈوبتا سورج
بہت عرصہ ہوا بس ڈوب جاتا ہے
وہ ہم سے کچھ نہیں کہتا
تڑپتی زرد کرنوں سے بھی اب دل میں
کوئی ہلچل نہیں مچتی
غموں کے موسموں کے رنگ
اب دل کے نگر میں پھیل کر بھی
آنکھ سے آنسو بہانے میں سدا ناکام رہتے ہیں
وہ آنسو
جاتے جاتے ساتھ اپنے لے گئے تھے تم
وہ موسم۔۔۔۔۔۔۔۔۔یاد کے موسم بھی اب شاید
تمہارے پاس ہی ہونگے
میرا وجدان کہتا ہے
کہ وہ یادوں کی باتیں ساتھ اپنے لے گئے تھے تم
مگر دیکھو۔۔۔۔۔۔۔۔۔۔۔۔
زرا سی دیر کو گر
مہربان ہوجاو تم مجھ پر
تو کچھ خوابوں کے منظر
کچھ حسین یادیں
زرا سی دیر کو بھیجو
کہ مجھ کو ایک مدت ہو گئی ہے دل کے آنگن میں
پرانے خواب لیکر یاد کا موسم نہیں اترا۔۔۔۔
منقول

وہ نہیں رہا۔ ۔۔

وہ جو خوشبوؤں کی فصیل تھی مرے چارسو، وہ نہیں رہی
مرے چارسو، وہ جو روشنی کا حصار تھا وہ نہیں رہا

وہ جو رنگ و بو کا شکار تھا، وہ جو گل رخوں پہ نثار تھا
وہ جو مبتلائے بہار تھا، دل زار تھا، وہ نہیں رہا

غم جسم و جاں ، غم دوستاں ، غم رفتگاں بھی بجا مگر
وہ جو غم کدے کا نکھار تھا، غم یار تھا، وہ نہیں رہا

وہی جلوہ گاہ جمال ہے ، وہی رسم و راہ جنوں مگر
سر عاشقاں کا جو بانکپن سردار تھا، وہ نہیں رہا

وہ کرم رہا نہ ستم رہا، نہ خوشی رہی نہ وہ غم رہا
جو عنایتوں کا، شکایتوں کا شمار تھا، وہ نہیں رہا

کاش۔ ۔۔۔

کاش ہم سمجھ لیتے
منزلوں کی چاہت میں
راستہ بدلنے سے
فاصلہ نہیں گھٹتا
دو گھڑی کی قُربت میں
چار پل کی چاہت میں
لوگ لوگ رہتے ہیں
قافلہ نہیں بنتا
ہاتھ میں دیا لے کر
ہونٹ پر دعا لے کر
منزلوں کی جانب کو
چل بھی دیں تو کیا ہو گا
خواہشوں کے جنگل میں
اتنی بھیڑ ہوتی ہے
عمر کی مُسافت میں
راستہ نہیں ملتا

Beautiful ..

ﺭﻭﺯ ﺗﺎﺭﻭﮞ ﮐﻮ ﻧﻤﺎﺋﺶ ﻣﯿﮟ ﺧﻠﻞ ﭘﮍﺗﺎ ﮨﮯ
ﭼﺎﻧﺪ ﭘﺎﮔﻞ ﮨﮯ ﺍﻧﺪﮬﯿﺮﮮ ﻣﯿﮟ ﻧﮑﻞ ﭘﮍﺗﺎ ﮨﮯ
ﺍﯾﮏ ﺩﯾﻮﺍﻧﮧ ﻣﺴﺎﻓﺮ ﮨﮯ ﻣﺮﯼ ﺁﻧﮑﮭﻮﮞ ﻣﯿﮟ
ﻭﻗﺖ ﺑﮯ ﻭﻗﺖ ﭨﮭﮩﺮ ﺟﺎﺗﺎ ﮨﮯ ﭼﻞ ﭘﮍﺗﺎ ﮨﮯ
ﺍﭘﻨﯽ ﺗﻌﺒﯿﺮ ﮐﮯ ﭼﮑﺮ ﻣﯿﮟ ﻣﺮﺍ ﺟﺎﮔﺘﺎ ﺧﻮﺍﺏ
ﺭﻭﺯ ﺳﻮﺭﺝ ﮐﯽ ﻃﺮﺡ ﮔﮭﺮ ﺳﮯ ﻧﮑﻞ ﭘﮍﺗﺎ ﮨﮯ
ﺭﻭﺯ ﭘﺘﮭﺮ ﮐﯽ ﺣﻤﺎﯾﺖ ﻣﯿﮟ ﻏﺰﻝ ﻟﮑﮭﺘﮯ ﮨﯿﮟ
ﺭﻭﺯ ﺷﯿﺸﻮﮞ ﺳﮯ ﮐﻮﺋﯽ ﮐﺎﻡ ﻧﮑﻞ ﭘﮍﺗﺎ ﮨﮯ
ﺍﺱ ﮐﯽ ﯾﺎﺩ ﺁﺋﯽ ﮨﮯ ﺳﺎﻧﺴﻮ ﺫﺭﺍ ﺁﮨﺴﺘﮧ ﭼﻠﻮ
ﺩﮬﮍﮐﻨﻮﮞ ﺳﮯ ﺑﮭﯽ ﻋﺒﺎﺩﺕ ﻣﯿﮟ ﺧﻠﻞ ﭘﮍﺗﺎ ﮨﮯ
راحت اندوری

مجھے بے خودی یہ تم نے۔۔بھلی چاشنی چکھائی۔۔

 نہ وصال ہے نہ ہجراں ،نہ سرور ہے نہ غم
 جسے کہیے خوابِ غفلت ،سو وہ نیند مجھ کو آئی

دعا

میرے کاسۂ شب و روز میں
کوئی شام ایسی بھی ڈال دے
سبھی خواھشوں کو ھرا کرے
سبھی خوف دِل سے نکال دے
__________
(امجد اسلام امجد)

کتابیں کتابوں کے اُوپر

کسی خشک لکڑی کےکیڑے نےکرمِ کتابی سے پوچھا
تمہاری نظر میں یہ سارے شجر کتنے عرصے میں سوُکھیں گے؟
کتنی بہاریں ابھی میرے رستے کو روکھے کھڑی ہیں؟
وہ رستے جہاں سے جہنم کا ساقی مجھے آملے گا؟

وہ کرمِ کتابی کتابوں میں گم تھا
اُسے فکرتھی تو فقط فکر تصدیق روح ِ مقالہ
جہانِ فسردہ کی آتش کہاں سے اُٹھائی گئی تھی؟
کتاب ِ ازل کب کھلی، کیوں کھلی تھی؟
یہ کب  ختم ہوگی؟
وہ اعداد کیسے نکلتے ہیں جن کی کوئی عقلی تاویل ہوتی نہیں ہے؟
وہ مزدور کس کو کہا جارہاہے جسے اپنے آگے نہ پیچھے
کوئی چھوڑناہے
کوئی نسل، کوئی عقیدہ، کوئی شہرتِ دائمی کا قصیدہ
کہاں پر ملے گی وہ ہیگل کی تعمیر کردہ
وہ ’’ہونے نہ ہونے‘‘کے مابین کی راہداری؟
وہ غزلیں کہاں ہیں
جو بعداز سلیمان لکھی گئی تھیں
وہ  رنگین قالین جس پر کسی کی گلابی حسیں ایڑھیوں
کے نشاں تھے

کتابوں کے کیڑے نے لکڑی کے کیڑے کے تشکیل کردہ سوالوں کو
یوں ان سنا کردیا جیسے کانوں میں رُوئی کے گالے دبے ہوں
وہ سرکوجھکائے، جھُکی ناک پر کالی عینک لگائے
غزالی پہ لکھے گئے اِک مخالف مقالے
کے مٹتے حوالوں کوتکنے پرکھنے میں مشغول ہونے کی
جھوٹی اداکاریاں کررہا تھا۔

یہ مغرور کیڑا جو اخلاق پر عزمِ سقراط سے حکمتِ کانٹ تک
کتنی آبی کتابوں کے انبار ازبر کیے سالہاسال سے
علم پر ناگ بن،  پھن کو پھیلائے بیٹھاہوا تھا
کئی ساعتوں تک نہ بولا تو لکڑی کے کیڑے نے
بوسیدہ کرسی کا پایہ اُٹھایا
تو مغرور کیڑے نے عینک کے پیچھے سے آنکھیں گھماتے ہوئے
اُس کو دیکھا
ذرا دیر رک کر تحمّل سےبولا
مجھے پچھلے سوسال سےفرصتیں ہیں
کتابیں کتابوں کے اُوپر پڑی ہیں
کتابوں کے اُوپر کتابیں، کتابوں کے اُوپر کتابیں،کتابوں کے اُوپر کتابیں پڑی ہیں
کتب خانے میرے تسلط میں آکر
مقدمات میں اور مقالوں میں ڈھلتے ہوئے
دن بدن بڑھ رہے ہیں
میں اکیس سوسال میں اتنی فصلوں کا مالک نہیں تھا
مجھے اپنی نسلوں کو اتنی کتابیں کھلانے سے فرصت ملے گی
تو لکڑی کے بارے میں بھی سوچ لونگا

ابھی کچھ بہاریں ذرا صبر کرلو!
تو پھر ہم ہمیشہ ہمیشہ کے ذہنی دباؤ سےفارغ
کسی سبز پیپل کی چھاؤں میں آرام سے بیٹھ کر
خوب تفصیل سے اُس جہنم کی باتیں کرینگے
ابھی بس تسلی کو اتنا کہونگا
کتابوں میں لکھاہے
دوزخ میں پتھرجلیں گے
وہ پتھر جو قسوہ ہیں
دنیا کے سب سے خطرناک پتھر
تو دوزخ میں لکڑی جلانے کا کوئی کہیں تذکرہ ہی نہیں ہے
یہ سن کر وہ لکڑی کیڑا
وہ پیڑوں کی لاشیں چباتاہوا مردہ خوری کامارا، خزاں زاد
 لکڑی کا کیڑا
اداسی کے گھبمیر لہجے میں بولا
تو پھر کیا شجر سارےباقی رہینگے؟
توپھرکیا پرندوں کے گھر سارے باقی رہینگے؟

توکرمِ کتابی نےسر کوہلایا
ذرا مسکرا کر بتایا
پریشان ہونے کی کوئی ضرورت نہیں ہے
مجھے اتنے سالوں، مقالوں میں اک آخری بات معلوم ہوتی رہی ہے
وہ یہ بات ہے کہ،
’’جہنم سے پہلے کہیں کوئی جنت نہیں ہے‘‘
مجھے اتنا معلوم ہےمیرے مزدور بھائی!
کہ صدیوں کا مارا ہوا آدمی تھک چکاہے
جوبَکنا تھا اس کو وہ سب بَک چکاہے
یہ اب جی سکا تو
بشرطیکہ یہ واقعی جی سکا تو
بہاروں کوآنے، درختوں کو جھولا جھلانے سے
کوئی بھی کیڑا نہیں روک پائے گا
انسان ہے، اس کو
کوئی بھی کیڑا کبھی روک سکتا نہیں ہے۔

ادریس آزاد

سمجھ۔۔

یہ جو ہم کبھی کبھی سوچتے ہیں رات کو
رات کیا سمجھ سکے ان معاملات کو

وہ زندگی سے کیا گیا۔۔۔

وہ زندگی سے کیا گیا دھواں اڑا کے رکھ دیا
مکاں کے اک ستون نے مکاں گرا کے رکھ دیا

وہ راہ   سے   چلا  گیا   تو راہ  موڑ بن گئی
میرے سفر نے راستہ کہاں چھپا کے رکھ دیا

کسی دیئے کی طرز سے گزر رہی ہے زندگی
یہاں جلا کے رکھ دیا، وہاں بجھا کے رکھ دیا

وجود کی بساط پر بڑی عجیب مات تھی
یقین لٹا کے اٹھ گئے، گماں بچا کے رکھ دیا

عاطف توقیر

ایک شعر۔۔۔

مجھے یہ زعم کہ میں حسن کا مصور ہوں
انہیں یہ ناز کہ تصویر تو ہماری ہے۔۔۔۔

ہوکا۔۔۔۔

کل بیٹھا کجھ سوچ ریا ساں
گل اک گزرے ویلے دی
اپنے پنڈ دے پپلاں ہیٹھاں
چھوٹی عید دے میلے دی
میں جیہڑا مشہور ہاں ایناں
دل دے بھید لکاون وچ
غم دی تکھی چیک نوں گھٹ کے
اپروں ہسدا جاون وچ
اوس پرانےدن دے وچوں
کر کے یاد اک موکے نوں
زور وی لاکے روک نیئں سکیا
اپنے دل دے ہوکے نوں

(منیر نیازی)

کبھی یاد آئے تو پوچھنا۔۔۔

کبھی یاد آئے , تو پوچھنا
ذرا اپنی , خلوتِ شام سے
کسے عشق تھا , تیری ذات سے
کسے پیار تھا , تیرے نام سے
ذرا یاد کر , کہ وہ کون تھا
جو کبھی تجھے بھی , عزیز تھا
وہ جو مر مٹا , تیرے نام پہ
وہ جو جی اٹھا , تیرے نام سے
ہمیں بے رخی کا . نہیں گلہ
کہ یہی وفاؤں کا , ہے صلہ
مگر ایسا , جرم تھا کون سا
گئے ہم , دعا و سلام سے
کبھی یاد آئے , تو پوچھنا
ذرا اپنی , خلوتِ شام سے ...!!!

آج پھر۔۔۔۔

آج پھر دل نے اک تمنا کی
آج پھر دل کو ہم نے سمجھایا

محبت ایسا نغمہ ہے۔۔۔

 محبت ایسا نغمہ ہے
 ذرا بھی جھول ہے لَے میں
 تو سُر قائم نہیں رہتا

 محبت ایسا شعلہ ہے
 ہوا جیسی بھی چلتی ہو
 کبھی مدھم نہیں ہوتا

 محبت ایسا رشتہ ہے
 کہ جس میں بندھنے والوں کے
 دلوں میں غم نہیں ہوتا

 محبت ایسا پودا ہے
 جو تب بھی سبز رہتا ہے
 کہ جب موسم نہیں ہوتا

 محبت ایسا رستہ ہے
 اگر پیروں میں لرزش ہو
 تو یہ محرم نہیں ہوتا

 محبت ایسا دریا ہے
 کہ بارش روٹھ بھی جاۓ
 تو پانی کم نہیں ہوتا

سنو ناراض ہو ہم سے ؟

سنو ناراض ہو ہم سے ؟
مگر ہم وہ ہیں جن کو تو منانا بھی نہیں آتا
کسی نے آج تک ہم سے محبت جو نہیں کی ہے
محبّت کس طرح ہوتی ؟
ہمارے شہر کے اطراف میں تو
سخت پہرہ تھا خزاؤں کا
اور اس شہرِ پریشاں کی فصیلیں
زرد بیلوں سے لدی تھیں
اور اُن میں نہ کوئی خوشبو تھی، نہ کوئی پھول تم جیسا
مہک اُٹھتے ہمارے دیدہ و دل جس کی قُربت سے
ہم ایسے شہر کی سنسان گلیوں میں
کسی سُوکھے ہوئے ویران پتّے کی طرح سے تھے
کہ جب ظالم ہوا ہم پر قدم رکھتی
تو اُس کے پاؤں کے نیچے ہمارا دم نکل جاتا
مگر پت جھڑ کا وہ ویران موسم
سُنا ہےٹل چکا اب تو
مگر جو ہار ہونا تھی
سو وہ تو ہو چکی ہم کو
سُنو ۔ ۔ ۔
ہارے ہوئے لوگوں سے تو روٹھا نہیں کرتے

منقول

*مادری زبان اردو پر منتخب اشعار*☄

☄ *مادری زبان اردو پر منتخب اشعار*☄

     
ہم ہیں تہذیب کے علمبردار
ہم کو اردو زبان آتی ہے

✍محمد علی ساحل

بات کرنے کا حسیں طور طریقہ سیکھا
ہم نے اردو کے بہانے سے سلیقہ سیکھا

✍منیش شکلا

نہیں کھیل اے داغؔ یاروں سے کہہ دو
کہ آتی ہے اردو زباں آتے آتے

✍داغؔ دہلوی

وہ کرے بات تو ہر لفظ سے خوشبو آئے
ایسی بولی وہی بولے جسے اردو آئے

✍احمد وصی

اردو ہے جس کا نام ہمیں جانتے ہیں داغؔ
ہندوستاں میں دھوم ہماری زباں کی ہے

✍داغؔ دہلوی

وہ عطر دان سا لہجہ مرے بزرگوں کا
رچی بسی ہوئی اردو زبان کی خوشبو

✍بشیر بدر

سلیقے سے ہواؤں میں جو خوشبو گھول سکتے ہیں
ابھی کچھ لوگ باقی ہیں جو اردو بول سکتے ہیں

✍نامعلوم

میرا ہر شعر ہے اک راز حقیقت بیخودؔ
میں ہوں اردو کا نظیریؔ مجھے تو کیا سمجھا

✍بیخود دہلوی

اردو جسے کہتے ہیں تہذیب کا چشمہ ہے
وہ شخص مہذب ہے جس کو یہ زباں آئی

✍روش صدیقی

اردو سے ہو کیوں بیزار انگلش سے کیوں اتنا پیار
چھوڑو بھی یہ رٹا یار ٹوئنکل ٹوئنکل لٹل اسٹار

✍انور مسعود

میری اللہ سے بس اتنی دعا ہے راشدؔ
میں جو اردو میں وصیت لکھوں بیٹا پڑھ لے

✍راشد عارفی

شہد و شکر سے شیریں اردو زباں ہماری
ہوتی ہے جس کے بولے میٹھی زباں ہماری

✍الطاف حسین حالی

وہ بولتا ہے نگاہوں سے اس قدر اردو
خموش رہ کے بھی اہل زباں سا لگتا ہے

✍نامعلوم

مرے بچوں میں ساری عادتیں.  موجود ہیں میری
تو پھر ان بد نصیبوں کو نہ کیوں اردو زباں آئی

✍منور رانا

میری تصویر۔۔۔

میری تصویر بنانے کی جو دُھن ہے تم کو
کیا اداسی کے خد و خال بنا پاؤ گے
تم پرندوں کے درختوں کے مصور ہو میاں
کس طرح سبزۂ پامال بنا پاؤ گے
سر کی دلدل میں دھنسی آنکھ بنا سکتے ہو
آنکھ میں پھیلتے پاتال بنا پاؤ گے
جو مقدر نے مری سمت اچھالا تھا کبھی
میرے ماتھے پہ وہی جال بنا پاؤ گے
مل گئی خاک میں آخر کو سیاہی جن کی
میرے ہمدم وہ میرے بال بنا پاؤ گے
یہ جو چہرے پہ خراشوں کی طرح ثبت ہوئے
یہ اذیت کے مہ و سال بنا پاؤ گے
زندگی نے جو مرا حال بنا چھوڑا ہے
میری تصویر کا وہ حال بنا پاؤ گے

دل کی بات۔۔۔

اگر تم آن لائن ہو
تو میری پوسٹ پر آو
کبھی دیکھو کہ سب غزلیں
اداسی کا اشارہ ہیں
ذرا پرکھو سبھی نظمیں
بہت خاموش رہتی ہیں
بہت بے رنگ ہیں الفاظ
میرے خواب بے رونق
بہت لائک بھی ملتے ہیں
کمنٹ بھی خوب آتے ہیں
مگر ان میں نہیں ہو تم
تو سارے رنگ پھیکے ہیں
اگر تم آن لائن ہو
تو میری پوسٹ پر آو
کوئی دو لفظ کہہ ڈالو
مری تسکین ہو جائے
جو پوری پوسٹ پھیکی ہے
ابھی رنگین ہو جائے

جون ایلیا۔۔۔

واہ۔۔۔۔۔

‏ہم نےتاخیرسےسیکھےہیں محبت کےاصول
ہم پہ لازم ہے----------تراعشق دوبارہ کرلیں
یہ بھی ممکن ہےتجھےدل سےبھلا دیں ہم لوگ
یہ بھی ممکن ہےتجھے------ جان سےپیاراکرلیں

تعارف

میں فرد ہوں عام سا
 اک قصہ ناتمام سا
 نہ لہجہ بے مثال ہے
 نہ بات میں کمال ہے
 ہوں دیکھنے میں عام سا
 اداسیوں کی شام سا
 جیسے ایک راز ہوں
 خود سے بے نیاز ہوں
 نہ ماہ جبینوں سے ربط ہے
 نہ شہرتوں کا ضبط ہے
رانجھا نہ قیس ہوں
 انشا،نہ فیض ہوں
 میں پیکرِ اخلاص ہوں
 وفا،دعا اور آس ہوں
 میں شخص خود شناس ہوں
 اب تم ہی کرو فیصلہ
 میں فرد ہوں عام سا؟؟
 یا پھر بہت ہی خاص ہوں؟؟

ﺍﺩھوﺭﮮ ﻋﺸﻖ ﮐﯽ ﺁﯾﺖ

ﺍﺩﮬﻮﺭﮮ ﻋﺸﻖ ﮐﯽ ﺁﯾﺖ
ﮨﻮﺋﮯ ﺳﺐ ﺧﻮﺍﺏ ﺧﺎﮐﺴﺘﺮ
ﮔﻨﮩﮕﺎﺭﻭﮞ کی ﺑﺴﺘﯽ ﻣﯿﮟ
ﺍﺩھوﺭﮮ ﻋﺸﻖ ﮐﯽ ﺁﯾﺖ
ﭘﮍﮬﮯ ﮔﺎ ﮐﻮﻥ ﺗﻢ ﺳﻮﭼﻮ
ﻣﯿﮟ ﮨﺎﺭﺍ ﮨﻮﮞ ﺗﻮ ﮐﯿﺎ ﮨﺎﺭﺍ
ﻭﮦ ﺟﯿﺘﺎ ﮨﮯ ﺗﻮ ﮐﯿﺎ ﺟﯿﺘﺎ ؟
ﻟﮑﮭﺎ ﮨﺮ ﻟﻔﻆ ﻻﺯﻡ ﺗﮭﺎ
ﻟﮑﮭﻮﮞ ﮔﺎ ﻧﺎﻡ ﺳﮯ ﺗﯿﺮﮮ
ﻣﺮﮮ ﮨﺮ ﮔﯿﺖ ﻣﯿﮟ ﺗﻢ ﮨﻮ
ﻣﺮی ﮨﺮ ﺟﯿﺖ ﻣﯿﮟ ﺗﻢ ﮨﻮ
ﺟﻮ ﮨﺎﺭﺍ ﮨﻮﮞ ﯾﮩﺎﮞ ﭘﺮ ﺗﻮ
ﺍسی ﺳﻨﮕﯿﺖ ﻣﯿﮟ ﺗﻢ ﮨﻮ
ﻣﺮﺍ ﮨﺮ ﺭﻭﭖ ﺗﯿﺮﺍ ﮨﮯ
ﻣﯿﮟ ﻻﺯﻡ ﮨﻮﮞ ﺗﻮ ﻻﺯﻡ ﮨﻮﮞ
ﻣﯿﮟ ﮐﻤﺘﺮ ﮨﻮﮞ ﺗﻮ ﺗﯿﺮﺍ ﮨﻮﮞ
ﻣﯿﮟ ﺑﺪﺗﺮ ﮨﻮﮞ ﺗﻮ ﺗﯿﺮﺍ ﮨﻮﮞ
ﻭﺟﻮﺩِ ﯾﺎﺭ ﮐﮯ ﺟﯿﺴﮯ
ﺑﻠﻨﺪ ﺍﻓﮑﺎﺭ ﮐﮯ ﺟﯿﺴﮯ
ﮨﻤﺎﺭی ﻧﯿﻨﺪ ﮐﯽ ﭼﺎﺩﺭ
ﮔﻨﮩﮕﺎﺭﻭﮞ ﻧﮯ ﮐﮭﯿﻨﭽﯽ ﮨﮯ
ﭘﮍﺍ ﮨﻮﮞ ﺍﻭﺱ ﻣﯿﮟ ﺍﯾﺴﮯ
ﺟﻮ ﮔﺬﺭﮮ ﮨﻢ ﭘﮯ ﮔﺬﺭﮮ ﮨﮯ
ﮨﻤﺎﺭﮮ ﺍﺷﮏ ﺑﮩﺘﮯ ﮨﯿﮟ ﺗﻮ
ﺩﺭﯾﺎﺀ ﻣﻮﺟﺰﻥ ﮨﻮﺗﮯ
ﺭﻭﺍﮞ ﺳﺐ ﯾﮧ ﺳﺮﺷﺘﯽ ﮨﮯ
ﯾﮩﺎﮞ ﭘﺮ ﻣﯿﺮی ﺑﺴﺘﯽ ﮨﮯ
ﮔﻨﮩﮕﺎﺭﻭﮞ ﮐﮯ ﺩﻧﯿﺎ ﻣﯿﮟ
ﻋﺠﺐ ﺍﮎ ﺍﭘﻨﯽ ﻣﺴﺘﯽ ﮨﮯ
ﺗﻤﮩﺎﺭﮮ ﺭﻭﭨﮫ ﺟﺎﻧﮯ ﺳﮯ
ﻧﮧ ﭘﮭﺮ ﯾﻮﮞ ﭘﺎﺱ ﺁﻧﮯ ﺳﮯ
ﻟﮕا ﮨﮯ ﺁﺝ ﯾﻮﮞ ﻣﺠﮫ ﮐﻮ
ﺍﺗﺮتی ﺁﯾﺘﯿﮟ ﺳﺎﺭﮮ
ﮐﮩﯿﮟ ﮔﻢ ﮨﻮﮔﺌﯽ ﮨیں ﻧﺎ
ﺍﻧﮩﯿﮟ ﮨﯿﮟ ﮈھوﻧﮉﻧﺎ ﻭﺍﺟﺐ
ﺍﻧﮩﯿﮟ ﮐﯿﺴﮯ ﻣﻨﺎﻧﺎ ﮨﮯ
ﭼﻠﻮ ﺍﺱ ﭘﺎﺭ ﭼﻠﺘﮯ ﮨﯿﮟ
ﺟﮩﺎﮞ ﮐﭽﮫ ﺧﻮﺍﺏ ﺩﯾﮑﮭﮯ ﺗﮭﮯ
ﺍﺩھﻮﺭﮮ ﺧﻮﺍﺏ ﮐﮯ ﺟﯿﺴﮯ
ﮐئیﺍﺣﺒﺎﺏ ﺩﯾﮑﮭﮯ ﺗﮭﮯ
ﺍٌسی ﺩﺭﯾﺎﺀ ﮐﻨﺎﺭﮮ ﭘﺮ
ﮐﮩﯿﮟ ﺗﻮ ﯾﺎﺭ ﻣﻞ ﺟﺎﺋﮯ
ﮨﻤﯿﮟ ﮐﺮﺩﺍﺭ ﻣﻞ ﺟﺎﺋﮯ
ﯾﻮﻧﮩﯽ ﮨﻢ ﺑﮯ ﻧﯿﺎﺯﯼ ﺳﮯ
ﺑﮭﻼ ﮐﯿﻮﮞ ﺑﮭﺎﮔﺘﮯ ﭘﮭﺮﺗﮯ
ﻣﺮﮮ ﺍﺱ ﻋﮩﺪ ﮐﯽ ﭼﻠﻤﻦ
ﮐﮯ ﭘﯿﭽﮭﯽ ﮐﻮﻥ ﮨﮯ ﺩﯾﮑﮭﻮ
ﺍﺩھوﺭﮮ ﺧﻮﺍﺏ ﺧﺎﮐﺴﺘﺮ
ﺍﺩھوﺭﮮ ﻋﺸﻖ ﮐﯽ ﺁﯾﺖ

" ﺍُﺩﺍﺱ ﻋﯿﺪﯾﮟ "

ﻣﯿﮟ ﺍُﻥ ﮐﻮ ﮐﯿﺴﮯ ﮐﮩﻮﮞ ‘ ﻣﺒﺎﺭﮎ ‘ ؟
ﻭﮦ ﺟﻦ ﮐﮯ ﻧﻮﺭِ ﻧﻈﺮ ﮔﺌﮯ ﮨﯿﮟ
ﻭﮦ ﻣﺎﺋﯿﮟ ﺟﻦ ﮐﮯ ﺟﮕﺮ ﮐﮯ ﭨﮑﮍﮮ
ﮔﻠﻮﮞ ﮐﯽ ﺻﻮﺭﺕ ﺑﮑﮭﺮ ﮔﺌﮯ ﮨﯿﮟ
ﻭﮦ ﺟﻦ ﮐﯽ ﺩﮐﮫ ﺳﮯ ﺑﮭﺮﯼ ﺩﻋﺎﺋﯿﮟ
ﻓﻠﮏ ﭘﮧ ﮨﻠﭽﻞ ﻣﭽﺎ ﺭﮨﯽ ﮨﯿﮟ
ﻣﯿﺮﮮ ﮨﯽ ﺩِﯾﮟ ﮐﯽ ﺑﮩﺖ ﺳﯽ ﻧﺴﻠﯿﮟ
ﺍﺩﺍﺱ ﻋﯿﺪﯾﮟ ﻣﻨﺎ ﺭﮨﯽ ﮨﯿﮟ ...
ﻭﮦ ﺑﭽﮯ ﻋﯿﺪﯼ ﮐﮩﺎﮞ ﺳﮯ ﻟﯿﮟ ﮔﮯ؟
ﺗﺒﺎﮦ ﮔﮭﺮ ﻣﯿﮟ ﺟﻮ ﭘﻞ ﺭﮨﮯ ﮨﯿﮟ
ﻭﮦ ﺟﻦ ﮐﯽ ﻣﺎﺋﯿﮟ ﮨﯿﮟ ﻧﺬﺭِ ﺁﺗﺶ
ﻭﮦ ﺟﻦ ﮐﮯ ﺁﺑﺎﺀ ﺟﻞ ﺭﮨﮯﮨﯿﮟ
ﻭﮦ ﺟﻦ ﮐﯽ ﻧﻨﮭﯽ ﺳﯽ ﭘﯿﺎﺭﯼ ﺁﻧﮑﮭﯿﮟ
ﮨﺰﺍﺭﻭﮞ ﺁﻧﺴﻮ ﺑﮩﺎ ﺭﮨﯽ ﮨﯿﮟ
ﻣﯿﺮﮮ ﮨﯽ ﺩِﯾﮟ ﮐﯽ ﺑﮩﺖ ﺳﯽ ﻧﺴﻠﯿﮟ
ﺍﺩﺍﺱ ﻋﯿﺪﯾﮟ ﻣﻨﺎ ﺭﮨﯽ ﮨﯿﮟ
ﺑﺘﺎﺅ ﺍُﻥ ﮐﻮ ﻣﯿﮟ ﻋﻤﺪﮦ ﺗﺤﻔﮧ
ﮐﮩﺎﮞ ﺳﮯ ﮐﺮ ﮐﮯ ﺗﻼﺵ ﺑﮭﯿﺠﻮﮞ؟
ﺑﮩﻦ ﮐﻮ ﺑﮭﺎﺋﯽ ﮐﯽ ﻧﻌﺶ ﺑﮭﯿﺠﻮﮞ
ﯾﺎ ﻣﺎﮞ ﮐﻮ ﺑﯿﭩﮯ ﮐﯽ ﻻﺵ ﺑﮭﯿﺠﻮﮞ؟
ﺟﮩﺎﮞ ﭘﮧ ﻗﻮﻣﯿﮟ ﺑﮩﺖ ﺳﮯ ﺗﺤﻔﮯ
ﺑﻤﻮﮞ ﮐﯽ ﺻﻮﺭﺕ ﻣﯿﮟ ﭘﺎ ﺭﮨﯽ ﮨﯿﮟ
ﻣﯿﺮﮮ ﮨﯽ ﺩِﯾﮟ ﮐﯽ ﺑﮩﺖ ﺳﯽ ﻧﺴﻠﯿﮟ
ﺍﺩﺍﺱ ﻋﯿﺪﯾﮟ ﻣﻨﺎ ﺭﮨﯽ ﮨﯿﮟ
ﻭﮨﺎﮞ ﺳﺠﺎﻧﮯ ﮐﻮ ﮐﯿﺎ ﮨﮯ ﺑﺎﻗﯽ؟
ﺟﮩﺎﮞ ﭘﮧ ﺁﻧﺴﻮ ﺳﺠﮯ ﮨﻮﺋﮯ ﮨﯿﮟ
ﺟﮩﺎﮞ ﮐﯽ ﻣﮩﻨﺪﯼ ﮨﮯ ﺳﺮﺥ ﺧﻮﮞ ﮐﯽ
ﺟﻨﺎﺯﮮ ﮨﺮ ﺳُﻮ ﺳﺠﮯ ﮨﻮﺋﮯ ﮨﯿﮟ
ﺟﮩﺎﮞ ﭘﮧ ﺑﮩﻨﯿﮟ ﺷﮩﯿﺪِ ﺣﻖ ﭘﺮ
ﺭﺩﺍﺋﮯ ﺍﺑﯿﺾ ﺳﺠﺎ ﺭﮨﯽ ﮨﯿﮟ
ﻣﯿﺮﮮ ﮨﯽ ﺩِﯾﮟ ﮐﯽ ﺑﮩﺖ ﺳﯽ ﻧﺴﻠﯿﮟ
ﺍﺩﺍﺱ ﻋﯿﺪﯾﮟ ﻣﻨﺎ ﺭﮨﯽ ﮨﯿﮟ....!!!

#منقول

" بھیگی خواہش "

اس کے ہاں بھی بارش ہوگی
اس نے بھی کچھ چاہا ہوگا
چائے کے رکھے ہوں گے دو کپ
ساتھ میں بھولی بسری یادیں
بیتے لمحوں کی شیرینی
پھیکی چائے میں گھول کے جب وہ
چھوٹے گھونٹ بھرتی ہوگی
میرے ساتھ کو مرتی ہو گی

غزل

درد میں لذت بہت اشکوں میں رعنائی بہت
اے غم ہستی ہمیں دنیا پسند آئی بہت

ہو نہ ہو دشت و چمن میں اک تعلق ہے ضرور
باد صحرائی بھی خوشبو میں اٹھا لائی بہت

مصلحت کا جبر ایسا تھا کہ چپ رہنا پڑا
ورنہ اسلوب زمانہ پر ہنسی آئی بہت

بے سہاروں کی محبت بے نواؤں کا خلوص
آہ یہ دولت کہ انسانوں نے ٹھکرائی بہت

بے خیالی میں بھی کتنے فاصلے طے ہو گئے
بے ارادہ بھی یہ دنیا دور لے آئی بہت

اپنی فطرت میں بھی روشن ہوں گے لیکن اے ضمیرؔ
میری راتوں سے بھی تاروں نے چمک پائی بہت

آنس معین کی آخری غزل

یہ قرض تو میرا ہے چکائے گا کوئی اور
دکھ مجھ کو ہے اور نیر بہائے گا کوئی اور

کیا پھر یوں ہی دی جائے گی اجرت پہ گواہی
کیا تیری سزا اب کے بھی پائے گا کوئی اور

انجام کو پہنچوں گا میں انجام سے پہلے
خود میری کہانی بھی سنائے گا کوئی اور

تب ہوگی خبر کتنی ہے رفتار تغیر
جب شام ڈھلے لوٹ کے آئے گا کوئی اور

امید سحر بھی تو وراثت میں ہے شامل
شاید کہ دیا اب کے جلائے گا کوئی اور

کب بار تبسم مرے ہونٹوں سے اٹھے گا
یہ بوجھ بھی لگتا ہے اٹھائے گا کوئی اور

اس بار ہوں دشمن کی رسائی سے بہت دور
اس بار مگر زخم لگائے گا کوئی اور

شامل پس پردہ بھی ہیں اس کھیل میں کچھ لوگ
بولے گا کوئی ہونٹ ہلائے گا کوئی اور

نہ دیکھ۔۔

آہ جاں سوز کی محرومی تاثیر نہ دیکھ
ہو ہی جائے گی کوئی جینے کی تدبیر نہ دیکھ
حادثے اور بھی گزرے تری الفت کے سوا
ہاں دیکھ مجھے اب مری تصویر نہ دیکھ
یہ ذرا دور پہ منزل یہ اجالا یہ سکوں
خواب کو دیکھ ابھی خواب کی تعبیر نہ دیکھ
دیکھ زنداں سے پرے رنگ چمن جوش بہار
رقص کرنا ہے تو پھر پاؤں کی زنجیر نہ دیکھ
کچھ بھی ہوں پھر بھی دکھے دل کی صدا ہوں ناداں
میری باتوں کو سمجھ تلخی تقریر نہ دیکھ
وہی مجروح وہی شاعر آوارہ مزاج
کون اٹھا ہے تری بزم سے دلگیر نہ دیکھ
مجروح سلطانپوری

Life goes on...

ایسا نہیں کے تیری جگہ کوئی اور آگیا
لیکن تیرا مقام بھی تیرا نہیں رہا

ایک خواہش۔۔۔

اے کاش وہ دن آئے جب میرے قلم سے

آقاؐ کے لیئے سخن قرطاس پہ اتریں

مگر تمہیں کیا۔۔۔

مگر تمہیں کیا

میں آڑھے ترچھے خیال سوچوں
کہ بے ارادہ ...........کتاب لکھوں
کوئی......... شناسا غزل تراشوں
... کہ اجنبی انتساب .............لکھوں
گنوا دوں اک عمر کے زمانے ...!
کہ ایک........ پل کا حساب لکھوں
میری طبیعت پہ منحصر...... ہے
... میں جس طرح کا ...نصاب لکھوں
یہ میرے اپنے مزاج....... پر ہے
عذاب سوچوں .....ثواب .....لکھوں

طویل تر ہے ........سفر تمہیں کیا ؟
میں جی رہا ہوں ...مگر تمہیں کیا ؟

مگر تمہیں کیا .....کہ تم تو کب سے
میرے........... ارادے گنوا چکے ہو
جلا کے سارے حروف ..........اپنے
میری ..........دعائیں بجھا چکے ہو
میں رات اوڑھوں ....کہ صبح پہنوں
تم اپنی رسمیں اٹھا ........چکے ہو
سنا ہے.....سب کچھہ بھلا چکے ہو

تو اب میرے دل پہ ...... جبر کیسا ؟
یہ دل...... تو حد سے گزر چکا ہے
گزر چکا ہے ..........مگر تمہیں کیا ؟
خزاں کا..........موسم گزر چکا ہے
ٹھہر ........... چکا ہے مگر تمہیں کیا ؟

مگر تمہیں کیا .........کہ اس خزاں میں
میں جس طرح کے ..بھی خواب لکھوں

اے مصور میرے محبوب کی تصویر بنا

اے مصور میرے محبوب کی ،،،تصویر بنا
تجھ سے بن جائے تو بگڑی ہوئی تقدیر بنا
زلف ایسی ہو کے برسات بھی پانی مانگے
سرخ ہونٹوں سے ہر اک پھول جوانی مانگے
نرگسی آنکھوں میں کاجل کے وہی تیر بنا
اے مصور میرے محبوب کی ،،،تصویر بنا
میں تجھے حسن کے انداز سکھاؤں کیسے
اپنی آنکھیں تیرے چہرے پہ لگاؤں کیسے
تیرا در چھوڑ کر،،، جاؤں تو جاؤں کیسے
جس میں الجھا رہوں دن رات وہ زنجیر بنا
اے مصور میرے محبوب کی تصویر بنا

بات سمجھ آتی ہی تب ہے

ایف ایس سی کی بالی لڑکی
شعر کہنا سیکھ رہی تھی
درد لکھنا سیکھ رہی تھی
شعر کا مطلب کیا ہوتا ہے؟
درد کی حدت کیا ہوتی ہے؟
ماہر علم عروض کے عالم
حضرت قبلہ ناقد اعظم
سوچ رہے تھے کیا بتلاؤں؟
بحروں کے اوزان میں الجھی
فعلن کی گردان میں الجھی
ایف ایس سی کی بالی لڑکی
اپنے سر سے پوچھ رہی تھی
شعر میں جدت کیا ہوتی ہے؟
سر جی یہ بتلائیں تو
پیار کی شدت کیا ہوتی ہے؟
سولہ سال کی بالی لڑکی
سترہ بحروں کے عالم کو
بھول سے ہی الجھا بیٹھی تھی
تھوڑا سوچ کے حضرت بولے
"درد کی حدت" وزن ہے اس میں
"شعر کی جدت" با معنی ہے
"پیار کی شدت" خوب کہا ہے
دیکھو بیٹا غور سے سمجھو
درد کی دال سے ح کی حد تک
حدت ہی حدت ہے اس میں
شعر کی ش سے ج اور دت تک
اس مصرعے میں جدت ہے
پ کے یار میں حرکت ہے اور
یار کی ر پھر ساکن ہے
شین کی دال پہ شد ہے جو
اس کو ت سے شدت ہے
دیکھو بیٹا غور سے سمجھو
م کو ح کی ب کو ت کی
جب ضرورت ہوتی ہے
بات سمجھ آتی ہی تب ہے
جب محبت ہوتی ہے

مَحبت بیس پچّیس تیس برسوں میں نہیں ہوتی

مَحبت بیس پچّیس تیس برسوں میں نہیں ہوتی
یہ پَل بھر تا زَمَن کی وسعتوں کو ڈھانپ لیتی ہے
(یہ پل کا گیان ہے اور عمر بھر کامِل نہیں ہوتا)
.
کسی نایافت کی دریافت، غیبی ہاتھ کے احساں
تن و جیون، حیات و کائنات و وقت کی بخشش
منال و رزق و صحّت، درک و فہم و آگہی کی دین
نہ ہو قطمیر کا مالک جو، اس کو اک جہاں دینا
.
نعَم، احساس، ارماں، اوّل و آخر عطا جس کی
اسی کی یافت ڈھل کر شکر میں ہے بے پناہ تسلیم
لہُ ہے قلب ممنوں، ذہن ساجد، درک پُر تعظیم
.
یہ حالت بیس پچیس تیس برسوں میں نہیں ہوتی
یہ حق باطل کا یُدھ ہے عمر بھر فیصل نہیں ہوتا
.
اکیلا دل لکھوکھا خواہشوں سے کس طرح نپٹے
زباں یکبارگی ہو نوع نوع کی کس طرح ذائق
بہت مجبور ٹھہرے اختیارِ خیر و شر کے بیچ
اتر آ مستعان اب تو، مَیں نِربَل، روگ یہ سرتیچھ
.
عبادت بیس پچیس تیس برسوں میں نہیں ہوتی
یہ دل کا شکر ہے تعمیل کر کر اور بڑھتا ہے ـ ـ ـ
احمد سلمان اشرف

”کبھی یاد آؤ تو اس طرح“

”کبھی یاد آؤ تو اس طرح“

کبھی یاد آؤ تو اس طرح
کہ لہو کی ساری تمازتیں
تمہیں دھوپ دھوپ سمیٹ لیں
تمہں رنگ رنگ نکھار دیں
تمہیں حرف حرف میں سوچ لیں

تمہیں دیکھنے کا جو شوق ھو
تو دیارِ ھجر کی تیرگی کو
مژہ کی نوک سے نوچ لیں

کبھی یاد آؤ تو اس طرح

کہ دل و نظر میں اُتر سکو
کبھی حد سے حبسِ جنوں بڑھے
تو حواس بن کے بکھر سکو
کبھی کِھل سکو شبِ وصل میں
کبھی خونِ جگر میں سنور سکو
سرِ رھگزر جو ملو کبھی
نہ ٹھہر سکو نہ گزر سکو
میرا درد پھر سے غزل بنے

کبھی گنگناؤ تو اس طرح
میرے زخم پھر سے گلاب ھوں
کبھی مسکراؤ تو اس طرح
میری دھڑکنیں بھی لرز اٹھیں

کبھی چوٹ کھاؤ تو اس طرح
جو نہیں تو پھر بڑے شوق سے
سبھی رابطے سبھی ضابطے
کسی دھوپ چھاؤں میں توڑ دو

نہ شکستِ دل کا ستم سہو
نہ سنو کسی کا عذابِ جاں
نہ کسی سے اپنی خلش کہو

یونہی خوش پھرو ، یونہی خوش رھو
نہ اُجڑ سکیں ، نہ سنور سکیں
کبھی دل دُکھاؤ تو اس طرح
نہ سمٹ سکیں ، نہ بکھر سکیں

کبھی بھول جاؤ تو اس طرح
کسی طور جاں سے گزر سکیں

چنچل البیلی لڑکی

وہ چنچل البیلی لڑکی

وہ چنچل البیلی لڑکی میری نظمیں یوں پڑھتی ہے
جیسے ان نظموں کا محور
اس کی اپنی ذات نہیں ہے
یعنی اتنی سندر لڑکی اور بھی ہو سکتی ہیں
جیسے اس کو علم نہیں یہ ساری باتیں اس کی ہیں
ساری گھاتیں اس کی ہیں
ہر آہٹ ہے اس کی خوشبو سب سائے ہیں اس کے سائے
سارے محل اس کے ہیں
ہر خوشبو ہے اس کی خوشبو سب چہرے ہیں اس کے چہرے
سارے آنچل اس کے ہیں
جیسے اس کو علم نہیں ہے اس لڑکی کے سارے کام
سارے نام اسی کے ہیں
ہر کھڑکی ہے اس کی کھڑکی سارے بام اسی کے ہیں
اس لڑکی کے نام سے میں نے جو کچھ اپنے نام لکھا ہے
اس سے ہی منسوب ہوا
شاید میرا وہم ہو لیکن میں نے یہ محسوس کیا ہے
جب میں نظم سناتا ہوں وہ آنکھ چرانے لگتی ہے
مجھ سے نظریں مل جائیں تو وہ شرمانے لگتی ہے
کچھ لمحے وہ چنچل لڑکی گم سُم ہو جاتی ہے
لیکن تھوڑی دیر میں پھر سے پتھر کی ہو جاتی ہے
جیسے میری نظم کی لڑکی

امجد اسلام امجد

Breath taking

تَعلق رکھ لِیا باقی، یقیں اب توڑ آیا ہوں
کسی کا ساتھ دینا تھا، کسی کو چھوڑ آیا ہوں

تمہارے ساتھ جینے کی قَسم کھانے سے کچھ پہلے
میں کچھ وعدے، کئی قَسمیں کہیں پر توڑ آیا ہوں۔۔۔۔۔۔!

محبت کانچ کا زنداں، یونہی سنگِ گِراں کب تھی
جہاں سَر پھوڑ سکتا تھا، وہیں سَر پھوڑ آیا ہوں

پلٹ کر آ گیا لیکن یوں لگتا ہے کہ اپنا آپ
جہاں تم مجھ سے بچھڑے تھے وہیں پر چھوڑ آیا ہوں۔

اُسے جانے کی جلدی تھی، سو میں آنکھوں ہی آنکھوں میں
جہاں تک چھوڑ سکتا تھا، وہیں تک چھوڑ آیا ہوں

Mai kesay usko yaqeen dilaon...

کوئی

سرِ طاقِ جاں نہ چراغ ھے
پسِ بامِ شب نہ سحر کوئی
عجب ایک عرصہِ درد ھے
نہ گمان ھے نہ خبر کوئی

نہیں اب تو کوئی ملال بھی
کسی واپسی کا خیال بھی
غمِ بے کسی نے مٹا دیا
میرے دل میں تھا بھی اگر کوئی۔

کٹے وقت چاھے عذاب میں
کِسی خواب میں یا سراب میں
جو نظر سے دُور نکل گیا
اُسے یاد کرتا ھے ھر کوئی

سرِ بزم جتنے چراغ تھے
وہ تمام رمز شناس تھے
تیری چشمِ خوش کے لحاظ سے
نہیں بولتا تھا مگر کوئی

تجھے کیا خبر ھے کہ رات بھر
تجھے دیکھ پانے کو اِک نظر
رھا ساتھ چاند کے منتظر
تیری کھڑکیوں سے اُدھر کوئی۔

سرِ شاخِ جاں تیرے نام کا
عجب ایک تازہ گلاب تھا
جسے آندھیوں سے خطر نہ تھا
جسے تھا خزاں کا نہ ڈر کوئی

تیری بے رُخی کے دیار میں
گھنی تیرگی کے حصار میں
جلے کس طرح سے چراغِ جاں
کرے کس طرف کو سفر کوئی؟؟

”امجد اسلام امجد“

چلے جاتے ہیں۔۔۔

میری تنہائی بڑھاتے ہیں چلے جاتے ہیں

ہنس تالاب پہ آتے ہیں چلے جاتے ہیں

اس لیے اب میں کسی کو نہیں جانے دیتا

جو مجھے چھوڑ کے جاتے ہیں چلے جاتے ہیں

میری آنکھوں سے بہا کرتی ہے ان کی خوشبو

رفتگاں خواب میں آتے ہیں چلے جاتے ہیں

شادیٔ مرگ کا ماحول بنا رہتا ہے

آپ آتے ہیں رلاتے ہیں چلے جاتے ہیں

کب تمہیں عشق پہ مجبور کیا ہے ہم نے

ہم تو بس یاد دلاتے ہیں چلے جاتے ہیں

آپ کو کون تماشائی سمجھتا ہے یہاں

آپ تو آگ لگاتے ہیں چلے جاتے ہیں

ہاتھ پتھر کو بڑھاؤں تو سگان دنیا

حیرتی بن کے دکھاتے ہیں چلے جاتے ہیں


عباس تابش

آ گئی یاد

آ گئی یاد ، شام ڈھلتے ھی
بجھ گیا دل ، چراغ جلتے ھی

کھل گئے ، شہرِ غم کے دروازے
اِک ذرا سی ھَوا کے چلتے ھی

کون تھا تُو ، کہ پھر نہ دیکھا تجھے ؟
مِٹ گیا خواب ، آنکھ ملتے ھی

خوف آتا ھے اپنے ھی گھر سے
ماہِ شبِ تاب کے نکلتے ھی

تُو بھی جیسے بدل سا جاتا ھے
عکسِ دیوار کے بدلتے ھی

”منیر نیازی“

میرے قلم سے ۔۔۔نئے سال کے لئیے دعا

ا ے میرے مالک
اے میرے مولا

میری بس اتنی سی التجا ہے
کہ آنے والے نئے دنوں میں
گزرتی تکلیف دہ رتوں کا
اداسیوں کا کدورتوں کا
دلوں میں مخفی رقابتوں کا
کوئی بھی لمحہ نہ لوٹ آئے
اے میرے مالک
میری دعا ہے
 کہ آنے والے ہر ایک پل میں 
محبتیں ہوں  رفاقتیں ہوں
دلوں میں سب  ہی کے چاہتیں ہوں
 بہار رُ ت کی ملاحتوں میں
خزاں کی تلخی نہ لوٹ آئے
اے میرے مالک
اے میرے اللہ
تیرے ہی در پر سوال لائے
تجھی سے فریاد کر رہے ہیں
کہ آنے والے ہر ایک پل میں
عروج بخشے تو اس طرح کہ
زوال و پستی  نہ لوٹ آئے 
اے میرے مالک 
اے میرے آقا 
میری دعاوں کی لاج رکھنا 
تو اپنی رحمت کی بارشوں سے
سالِ  نو پُر بہار رکھنا ۔۔۔
آمین